ABŞ Prezidenti Donald Tramp mümkün sui-qəsd cəhdi halında İrana qarşı genişmiqyaslı cavab əməliyyatının həyata keçirilməsi ilə bağlı əvvəlcədən göstəriş verdiyini açıqlayıb. Tramp bu barədə Truth Social platformasında paylaşım edib.

Onun sözlərinə görə, mümkün hücum halında ABŞ ordusu İrana qarşı genişmiqyaslı hərbi əməliyyat keçirməyə hazırdır.

“Artıq əmrlər verilib və ABŞ ordusu bir il ərzində, uzadılma ehtimalı ilə, İranın hər bir hissəsini tamamilə məhv etməyə hazırdır, istəklidir və qadirdir. Allaha həmd olsun!”, – Tramp paylaşımında yazıb.

Tramp bildirib ki, “İrana qarşı 1000 raket artıq hədəfə yönəldilib” və Tehran tərəfindən belə bir addım atılacağı təqdirdə ABŞ dərhal cavab verəcək.

"AzPolitika.info"