Bu qış Vladimir Putinin Ukraynanı sındırmaq üçün son ümid yeri ola bilər, çünki Rusiyanın resursları tükənir.
“AzPolitika” xəbər verir ki, bunu Polşa Xarici İşlər naziri Radoslav Sikorski “TVP info”-ya açıqlamasında deyib.
Nazir Rusiyanın qarşılaşdığı iqtisadi problemlərə diqqət çəkib. Onun sözlərinə görə, təkcə bu ilin birinci yarısında Rusiya öz ehtiyatlarından 44 ton qızıl satıb - bu, indiyə qədər ən yüksək göstəricidir. Sikorskinin fikrincə bu, ölkənin resurslarının tədricən tükəndiyini göstərir.
"Bu o deməkdir ki, Rusiyanın resursları tükənir. Bu qış Putinin Ukraynanı sındırmaq üçün son ümidi ola bilər. Ukraynanın bu müharibəyə nəinki dözməsi, həm də qalib gəlməsi bizim maraqlarımıza uyğundur", - deyə o bildirib.
Sikorski onu da əlavə edib ki, Rusiya Ukrayna ilə Polşa arasında münasibətlərin pozulmasında maraqlıdır.
“AzPolitika.info”
Şərhlər