ABŞ Konqresinin Senatı Cey Kleytonun Milli Kəşfiyyat direktoru vəzifəsinə namizədliyini təsdiqləyib.
"Report" xəbər verir ki, səsverməni "C-SPAN" telekanalı yayımlayıb.
Kleytonun təyinatının lehinə 51, əleyhinə isə 47 senator səs verib. ABŞ Prezidenti Donald Tramp Kleytonun namizədliyini iyunun 11-də irəli sürüb. Əvvəllər o, ABŞ-nin Qiymətli Kağızlar və Birja Komissiyasına rəhbərlik edib.
Milli Kəşfiyyat direktoru Amerikanın 18 kəşfiyyat idarəsinin fəaliyyətini əlaqələndirir.
İyulun 15-də senatın Kəşfiyyat komitəsindəki dinləmələrdə Kleyton İran, Çin və Rusiyanı ABŞ üçün əsas təhlükə adlandırıb. O həmçinin bildirib ki, Ukraynaya kəşfiyyat məlumatlarının ötürülməsinin dayandırılmasını gözləmir.
Şərhlər