Ermənistanın hüquq-mühafizə orqanlarının əməkdaşları "Güclü Ermənistan" fraksiyasının deputatı Narek Karapetyanın evində axtarış aparırlar.

"AzPolitika" xəbər verir ki, bu barədə partiyanın sözçüsü Marianna Qəhramanyan bildirib.

"Bu səhər tezdən təhlükəsizlik qüvvələri Narek Karapetyanın evinə gəlib. Hazırda axtarış aparırlar", - Qəhramanyan bildirib.

İstintaq Komitəsindən verilən məlumata görə, Karapetyanın evindəki istintaq əməliyyatları Alik Aleksanyanla bağlı cinayət işi çərçivəsində aparılıb.

Baş Prokurorluq əvvəllər Karapetyana qarşı cinayət işi qaldırmışdı. İş "Güclü Ermənistan" blokunun liderinin silahdaşı Alik Aleksanyanın həbs olunduğu cinayət işi ilə bağlıdır. Karapetyan 1 milyard dram (2,6 milyon dollar) məbləğində girov müqabilində azadlığa buraxılıb.

Qeyd etmək lazımdır ki, Aleksanyan külli miqdarda çirkli pulların yuyulmasında və seçicilərə rüşvət verməkdə ittiham olunur. Bu, müstəntiqlərin "Güclü Ermənistan" blokunun tərəfdarlarına ödənişləri seçicilərə rüşvət verməyin mümkün gizli forması kimi nəzərdən keçirdiyi ilk cinayət işi deyil.

Güclü Ermənistan Partiyası yaxın vaxtlarda rəsmi bəyanat verəcək.

E. Səlimov

AzPolitika.info