ABŞ Konqresinin Senatı Rusiya və İrana qarşı Amerika sanksiyalarının sərtləşdirilməsini nəzərdə tutan qanun layihəsini qəbul edib.

"Report" xəbər verir ki, indi sənəd Konqresin Nümayəndələr Palatası tərəfindən nəzərdən keçiriləcək.

Səsvermədən əvvəl qanunvericilər ABŞ prezidentinin Rusiyadan neft və ya qaz idxal edən üçüncü tərəflərə gömrük rüsumları tətbiq etmək səlahiyyətini ləğv edən düzəlişin əleyhinə səs veriblər.

Senatorlar ABŞ paytaxtını tərk edərək beş həftə davam edəcək yay tətilinə yollanmadan əvvəl səsverməni keçiriblər.