İranla müharibə ilkin məqsədlərinə çatmayıb və əksinə, ölkə daxilində radikal qüvvələrin mövqeyini gücləndirib.
“AzPolitika” xəbər verir ki, bunu Norveç xarici işlər naziri Espen Bart Eide “Əl-Cəzirə”yə verdiyi müsahibədə deyib.
"Tarix göstərəcək ki, bu müharibə ilkin məqsədlərindən heç birinə nail olmayıb, nəticə etibarilə İranda radikalların mövqeyi zəifləməyib, yalnız güclənib", - deyə nazir bildirib.
Eide qeyd edib ki, lap əvvəldən Norveç müharibəyə qarşı çıxıb və onu "heç də ağıllı olmayan” və “beynəlxalq hüquqa zidd” adlandırıb. O əlavə edib ki, bu mövqe bu gün daha geniş yayılıb.
Nazir həmçinin Hörmüz boğazında gəmiçilikdəki fasilələrə də toxunaraq, İrana qarşı ABŞ-İsrail hücumundan əvvəl vəziyyətin daha yaxşı olduğunu vurğulayıb.
"Ən azından, bu müharibə başlamazdan əvvəl mövcud olan naviqasiya azadlığına mümkün qədər yaxın bir vəziyyətə qayıtmalıyıq" - o qeyd edib.
Eide bildirib ki, müharibəyə son qoymaq və Hörmüz boğazında gəmiçiliyin bərpası indi çox vacibdir və əlavə edib: "İnanıram ki, bu, edilə bilər".
“AzPolitika.info”
Şərhlər