ABŞ-ın Virciniya Ştat Universitetində baş verən atışma nəticəsində beş nəfər yaralanıb.

"Report"un ABC News telekanalına istinadən verdiyi məlumata görə, hadisə universitet şəhərciyinin ərazisində baş verib. Hazırda hüquq-mühafizə orqanlarının əməkdaşları ərazidə xidmət aparırlar.

Məlumata görə, yaralılar xəstəxanaya yerləşdirilib. Onlardan birinin vəziyyəti kritikdir.

Atışma ilə bağlı hələlik heç kim saxlanılmayıb. Hadisə ilə bağlı araşdırma aparılır.