Türkiyənin "Beşiktaş" komandası UEFA Avropa Liqasının pley-off mərhələsində ilk oyununu keçirib.
"Report"un məlumatına görə, İstanbul təmsilçisi doğma azarkeşlər önündə Litvanın "Jalqiris" kollektivi ilə üz-üzə gəlib.
"Ağ-qaralar" rəqibini üç cavabsız qolla üstələyib. Qolları 6-cı dəqiqədə O Hen Qyu, 12-ci dəqiqədə Mikael Murilyo və 59-cu dəqiqədə Orkun Kökçü (p) vurub.
Xatırladaq ki, tərəflər arasındakı cavab qarşılaşması bir həftə sonra olacaq.
Şərhlər