Ermənistanın Baş naziri Nikol Paşinyan parlamentdəki çıxışı zamanı müxalifət fraksiyalarının "hakimiyyətin legitimliyi" ilə bağlı ittihamlarına sərt və istehzalı tonla cavab verib.

“AzPolitika” xəbər verir ki, Paşinyan müxalifətin hakimiyyəti qeyri-legitimlikdə günahlandırmasını absurd adlandıraraq, onları real siyasi addımlar atmaq yerinə ancaq bəyanat verməkdə ittiham edib.

Müxalifətçilərə müraciət edən Baş nazir onları mandatlardan imtina etməyə və "küçə mübarizəsinə" çağırıb: "Hörmətli həmkarlar, indi isə ən maraqlısı. Bu müxalifət məhz legitimlik mövzusunu ön plana çıxarır. Hakimiyyət legitimdirmi? Mən hələ parlamentin əvvəlki çağırışının sonunda deyirdim: Mandatlarınızı təhvil verin! İctimaiyyət sizdən inqilab gözləyir, edin bunu! Qeyri-legitim seçkilərdən və qeyri-legitim hakimiyyətdən yaxşı inqilabi şərait ola bilməz".

Paşinyan özünün 2018-ci ildəki hakimiyyətə gəliş yolunu xatırladaraq müxalifətə istehza edib: "Biz axı sizə nümunə də göstərmişdik: Gümrüdən çıxın - istəyirsiniz piyada, istəyirsiniz maşınla. Biri oradan gəlirdi, digərləri dörd bir tərəfdən gəlirdi... Nə bilim, minin maşınlara, gedin, inqilab edin!"

“AzPolitika.info”