Rusiya xarici işlər naziri Sergey Lavrov Ermənistanın keçmiş prezidenti Robert Koçaryan və onun oğlunun həbsi ilə bağlı RBC-nin sualını cavablandırıb.

"AzPolitika" xəbər verir ki, Lavrov bildirib ki, Ermənistanın keçmiş prezidenti Serj Sarkisyan vaxtilə Robert Koçaryanın prezidentliyi dövründə müdafiə naziri olub, daha sonra isə ölkə prezidenti seçilib.

“Rusiya Xarici İşlər Nazirliyinin mövqeyi ondan ibarətdir ki, biz erməni xalqının maraqlarından çıxış edirik. Biz görürük ki, erməni xalqının maraqları əsrlərdir Rusiya xalqının maraqları ilə sıx bağlı olub. Uzun illər ərzində xalqlarımız birlikdə, qarşılıqlı həmrəylik şəraitində yaşayıb. Rusiya dəfələrlə çətin vəziyyətlərdə erməni xalqına və Ermənistan rəhbərliyinə yardım edib. Bu maraqlar, əlbəttə, üstünlük təşkil etməlidir”, – Lavrov deyib.

Onun sözlərinə görə, hazırdAvropa İttifaqıa İrəvandakı hakimiyyət nümayəndələri fərqli məqsədləri rəhbər tuturlar.

“İndi isə İrəvandakı hazırkı rəhbərliyin nümayəndələri başqa məqsədlərlə hərəkət edirlər. na yönəlmək məqsədi elan edilib və Aİ-yə üzvlük prosesinə başlamaq barədə qanun qəbul olunub”, – deyə Lavrov bildirib.

Rusiya XİN rəhbəri qeyd edib ki, Avrasiya İqtisadi İttifaqına (Aİİ) üzv ölkələr Ermənistan rəhbərliyini ölkənin gələcək istiqaməti ilə bağlı referendum keçirməyə çağırıblar.

“May ayında keçirilən sammitdə Avrasiya İqtisadi İttifaqına üzv ölkələr Ermənistan rəhbərliyini referendum keçirməyə və ölkənin Avropa İttifaqına qoşulmaq, yoxsa Avrasiya İqtisadi İttifaqında qalmaq istədiyinə dair qərar verməyə çağıran bəyanat yayıblar. Məncə, bu, tamamilə əsaslandırılmış tələbdir. Bir təşkilatın qaydaları digərinin qaydaları ilə uyğun gəlmir. Bu barədə dəfələrlə danışılıb”, – Lavrov vurğulayıb.

Lavrov Ermənistanın baş naziri Nikol Paşinyanın referendumla bağlı mövqeyinə də münasibət bildirib.

“Cənab Paşinyan deyib ki, vaxtı çatanda qərar verəcək. Amma Avropa İttifaqına üzvlük prosesinə başlamaq barədə qanun qəbul edildikdən sonra ‘vaxtı çatanda’ ifadəsi nə deməkdir? Bir neçə gün əvvəl oxudum ki, cənab Paşinyan bildirib: Avropa İttifaqına müraciət ediləndə referendum məsələsini müzakirə etmək mümkün olacaq, buna reaksiya veriləcək və üzvlük üçün ‘yol xəritəsi’ hazırlanacaq, daha sonra isə referendum keçiriləcək”, – deyə Rusiya XİN rəhbəri bildirib.

Lavrov hesab edir ki, belə yanaşma Ermənistan vətəndaşlarına və erməni xalqına kifayət qədər etimad göstərilmədiyini nümayiş etdirir.

“Sadəcə olaraq, dürüst seçim təqdim etmək lazımdır. Seçim Aİ-yə qoşulmaqla indiki vəziyyət arasında olmalıdır. Son üç ildə Ermənistanın ticarət dövriyyəsi 6 milyard dolları keçib, bir il ərzində isə 12 milyard dollara çatıb. Ölkə Avrasiya İqtisadi İttifaqının hesabına inkişaf edib”, – Lavrov əlavə edib.

E. Səlimov

AzPolitika.info