"O VƏZİFƏLİ MƏMURUN YOLDAŞINI QAYTARIBLAR..." - Sabir Rüstəmxanlıdan ŞOK açıqlamalar
"Öz ailəsini qoruya bilməyib, indi günahını Əlövsətin boynuna yıxır.... Həmin məmur Əlövsəti məhkəməsiz həbs etdirmək istəyirdi"
"Əlövsətin bir yazısı normal qarşılanmamışdı"
Hüquq müdafiəçisi,“Azərbaycan Miqrasiya Mərkəzi” İctimai Birliyinin prezidenti və “Leqat” Hüquq Firmasının direktoru Əlövsət Əliyev ötən il gözlənilmədən Avropaya mühacirət etməsinin səbəbi barədə “Yeni Müsavat” qəzetinin Almaniyaya səfər edən əməkdaşına
Həmçinin Əlövsət Əliyev deyib ki, həyatlarının ən çətin dönəmlərində qohumları onun xanımına və oğluna sahib çıxmayıb. Ə.Əliyevin oğlu Türkel Rüstəmxanlı isə bildirib ki, siyasi fəaliyyətinə görə təqib edildiyi zaman qohumları tərəfindən himayə olunmayıblar. Hətta tam əksinə, qınaq və iradlara məruz qaldılar, aşağılanıblar.
Xüsusi izah etməyə ehtiyac yoxdur ki, burada ittiham və qınaqların əsas hədəfi Rüstəmxanlıların ağsaqqalı olan millət vəkili Sabir Rüstəmxanlıdır. Həm nüfuzunu, həm də hakimiyyətlə normal münaibətlərini nəzərə alsaq, Sabir Rüstəmxanlının qardaşına qarşı günahsız yerə cinayət işinin qaldırılmasının qarşısını ala bilməməsinin, buna etiraz etməməsinin səbəbi maraq doğurmaya bilməz.
“Yeni Müsavat” qəzeti Əlövsət Əliyevin açıqlamaları ilə bağlı Sabir Rüstəmxanlının münasibətini öyrənib. Sabir Rüstəmxanlı da bu məsələ ilə bağlı sensasiyalı fikirlər söyləyib.
"Axtarışa verilməsi barədə də mənə deyilməyib"
Belə ki, VHP sədri qardaşı Əlövsət Əliyev və ailəsinin mühacirətə getdiyindən xəbərsiz olduğunu deyib: “Onun haqqında istintaq işinin başlamasından xəbərim yoxdur. Məndən xəbərsiz gediblər. Onun ətrafında nələrin baş verdiyini, yalnız o, gedəndən sonra bilmişəm. Müdafiə olunmamasını deyə bilər... Görünür, buna ehtiyacı olub. Axtarışa verilməsi barədə də mənə deyilməyib, özüm kənardan eşitmişəm. Bu barədə bəzi vəzifə sahibləri ilə söhbətim olub. Qardaşımın axtarışa verildiyini deyiblər. Bir vəzifə sahibinin həyat yoldaşının xaricə getmək istədiyini, Əlövsətin ona yardım etdiyini dedilər. Gileyləndilər ki, gərək belə şey etməyəydi. Bu, cinayət əməli deyil. Əlövsət mənə heç zəng də vurmur. Kiçik qardaşlarımdan bütün məlumatları alıram”.
"Həyat yoldaşına qoşulub gedib"
"Heç bir yerdə sözümüz keçmirsə..."
"Əlövsətin bir yazısı normal qarşılanmamışdı"
Onları daim qorumağa çalışmışam. Açığı, müsahibəyə qədər Türkelin xaricə oxumağa getdiyini bilirdim. Amma görünür, onun getməsinin səbəblərini kifayət qədər bilməmişəm. Çox əziyyətlə gediblər, mənə ağır gəldi... Şükür ki, bunlar arxada qalıb. Övladlarımızın fəallığına heç zaman mane olmamışıq. Hakimiyyətlər dəyişir, amma əsas dövlətçilikdir. Oturum almağa, xaricdə yaşamağa görə dövlətçiliyi qurban vermək olmaz”.
“O vəzifəli məmurun yoldaşı xaricə gedib, sonra qaytarıblar”
Sabir Rüstəmxanlı qardaşından şikayət edən vəzifə sahibi barədə sərt danışdı: “Əlövsətdən şikayət edən vəzifə sahibidir. Onun tələbi ilə bu təzyiqlər başlayıb. Bir nəfər ailəsini qoruya bilməyib, ailəsi xaricə gedib, sonra qaytarıblar. Öz ailəsini qoruya bilməyib, indi günahını Əlövsətin boynuna yıxır. Bir nəfərin iddiası bir ailəni Azərbaycandan didərgin saldı. Yerdə qalan söz-söhbətlərə normal baxıram. Türkel gəncdir, iddiası var. Siyasi iddialarını bizim yanımızda həyata keçirəcəkdi. Onun heç bir ziyanı dəyə bilməzdi. Ziyan vuran bir nəfər məmurdur. Əsas cavabdeh odur.
Bir ailənin Almaniyaya sığınmasının səbəbi, bir nəfərin ailəsini qoruya bilməməsi, ailəsinə yardım edən hüquqşünası günahkar görməsidir. Həmin məmur Əlövsəti məhkəməsiz həbs etdirmək istəyirdi. Əlövsət haqsız yerə həbs olunacağını bildiyi üçün getdi. Nə zaman əsassız ittiham onun boynundan götürülsə, qayıdacaq. Əsas qazandığı dil öyrənmək olacaq. Biz qürbətə öyrəşmiş adamlar deyilik. Ailəmiz burada yaşamalıdır. Əziyyətimiz hədər getməməlidir. Bu barədə danışıqlarım olub. Ciddi şəkildə müdaxilə etmək istəmirəm. İstəyim budur ki, hər şey qanun çərçivəsində olsun”.
Əlövsət Əliyevin digər qardaşı, Rüstəmxanlıların tanınan simalarından olan Şahbaz Xuduoğlu musavat. com.-a bu barədə danışmaq istəmədiyini bildirib.
Vaqif NƏSİBOV
AzPolitika.info
Şərhlər
Hər hansısa bir şərh yazılmayıb.