“BANDOTDEL” HACIYEVİN RESTORAN XƏRCLƏRİNİ ARAŞDIRIR- 1 milyon dollar
DİN Mütəşəkkil Cinayətkarlığa Qarşı Mübarizə İdarəsi (“Bandotdel”) Beynəlxalq Bankın sabiq başçısı Cahangir Hacıyevin şəxsi kredit kartından 1 milyon dollar xərclənməsi faktını araşdırır.
Virtualaz.org saytının əldə etdiyi xəbərə görə, qulluq mövqeyindən sui-istifadə edərək bankın böyük məbləğdə vəsaitini şəxsi ehtiyaclarına xərcləyən C.Hacıyev bu borcunu bu günədək də ödəməyib.
“Cahangir Hacıyev DİN-in müstəntiqləri tərəfindən bu faktla bağlı dindirilib. Bank vəsaitlərinin başqa məqsədlərlə xərclənməsi faktına görə Cahangir Hacıyevin keçmiş köməkçiləri, o cümlədən Anar Bəkirov da sorğu-sual olunublar” - deyə DİN-dəki mənbə virtualaz.org saytına bildirib.
Beynəlxalq Bankdan daxili auditin nəticələrinə dair açıqlama verməkdən, habelə bank rəhbərinin maaşını açıqlamaqdan imtina ediblər.
***************
Məlumata görə, Cahangir Hacıyevin kredit kartından şəxsi ehtiyaclarına 1 milyon dollardan çox vəsait xərclənib. Həmin kredit borcu bu günə qədər də ödənilməyib.
ABB-dən də bu informasiyanı virtualaz.org saytına təsdiq ediblər.
Yada salaq ki, ABB-nin sabiq prezidenti C.Hacıyev əksəriyyəti məqsədi üzrə xərclənməyən çoxmilyardlıq kreditlərin verilməsində ittiham olunur. C.Hacıyevin ABB-ə rəhbərlik etdiyi dövrdə bankın 7 milyard dollara yaxın vəsaiti sözün əsl mənasında hərraca çıxarılıb. Bundan sonra hüquq-mühafizə orqanları “kredit oliqarxları işi” üzrə xeyli sahibkarı, habelə C.Hacıyevin yaxın adamlarını saxlayıblar.
C.Hacıyevin özü isə hazırda DİN Mütəşəkkil Cinayətkarlığa Qarşı Mübarizə İdarəsinin əməkdaşları tərəfindən sorğu-sual olunur.
Şərhlər
Hər hansısa bir şərh yazılmayıb.