“RAYONLARDA GÖRDÜKLƏRİMDƏN DƏHŞƏTƏ GƏLDİM…” - Qubad İbadoğlu

Qubad İbadoglu“Bayram günü Tovuzdaydım, elə bil ki, Azərbaycana deyil, başqa ölkəyə səfər etmişdirm. Rayonlarda əsl natura iqtisadiyyatı formalaşıb. Gördüklərimdən və eşitdiklərimdən dəhşətə gəldim”.

Strateq.az xəbər verir ki, bu sözləri iqtisadçı Qubad İbadoğlu Feysbuk-dakı şəxsi səhifəsində yazıb.

O bildirib ki, Bakıda Mərkəzi Bank 200 manatlıq əskinas dövriyyə buraxır, amma bölgələrdə əhali dolana bilmir, qonşular hətta bir-birindən 1-2 manat borc istəyir və ya da aralarında natural formada mal mübadiləsi aparır: “Hamı bir-birinə və banklara borcludur. Tovuzda, Qazaxda, Ağstafada, Şəmkirdə, Gədəbəydə əksəriyyət gözləyir ki, kartof yetişsin, satıb, borclarını ödəsinlər. Kartofun kilosu isə hazırda 20 qəpikdir. Cəlilabad və Masallı kartofunun topdansatış qiyməti bundan da ucuzdur”.

Qubad İbadoğlu yazıb ki, bu hal yalnız Qərb bölgəsinə xarakterik deyil, mərkəzdə, cənubda, Aranda, Mil-Muğanda son aylar əlverişsiz keçən hava şəraiti taxıl sahələrini və meyvə bağlarına ciddi ziyan vurub: “Yerli icra hakimiyyətlərinin inhisarında olan aqro-lizinqlərdən kombaynları icarəyə götürə bilməyən kəndlilər taxıllarını vaxtında biçə bilmədiklərindən mayalarını belə batırmaqdadırlar. Bütün bunlar da pis idarəçiliyin, inhisarçılığın və korrupsiyanın nəticəsində baş verir. Bir tərəfdə kəndliyə kombayn verməyən mülkədar icra hakimləri, digər tərəfdə də əlverişsiz hava şəraiti aqrar sahəni bərbad günə qoyub”.

Şərhlər

EWDER 2018-06-19 22:40:14

ESAS INKIWAFDU.ONU TAPSOZ MUWTULUQUN MENDE,EWDER CANI.YAVAWDAMAQ OLMAZ

t.ədalət 2018-06-19 22:40:14

Xalq,doğrudan da, urvatsız məmurların monopoliyasında əzab-əziyyətlə yasşayır.Ölkə iqtisadiyyatı donmuş vəziyyətdədir."İdrakı sönük" kadrların bacarıqsızlığı ölkənin günbəgün gerləməsinə səbəb olur.Vəzifələrə toplanmış "rusdilli" məmurlar heç bir işin qulpundan yapışa bilmirlər.Hər sahədə oğurluq və maliyyə dələduzluğu artıb.Cərimələr və qiymət artımları da əhalinin sümüyünə dirənib..

R-n 2018-06-19 22:40:14

Ay Gubad m.,kosmik inkishaf budu da...

Əlövsət 2018-06-19 22:40:14

Belə vəziyyət təkcə İbad bəyin sadaladığı rayon və şəhərlərdə deyil.Bütün rayonlara aiddir.Ən dəhşətli vəziyyət isə Şəki şəhərindədir.Dolanacaq ağırlığından və iş yerlərinin olmaması üzündən şəhərin gənc əhalisi rayondan uzaq yerlərdə,Bakıa,Türkiyə və İrana iş axtarmağa məcburdurlar. Şəhərin bütün yolları iki ildir dağıdılmış olduğundan insanların hərəkəti çətinləşib.Bu sahəyə baxan tapılmır.İcra hakimiyyəti,bələdiyyə fəaliyyətsizdir.Belə vəziyyət insanları qıcıqlandırı və dövlətə inamı azaldır.

Sevinc 2018-06-19 22:40:14

Duzdu ,Qubad muellim.Men de bunun sahidi olmusam.Kendlerde millet acindan qirilir.Isiq,qaz pulu odeye bilmirler.Mehz bu borclara gore kredit gotururler.Bir aile nenenin,ve ya babanin teqaudun gozleyir.Erzaq almaga.

Son yazılar