DEPUTAT TƏXRİBATLARIN SİFARİŞÇİLƏRİNİ AÇIQLADI - Azərbaycandakı tərəfdaşları kimdir?
Bakıda və Azərbaycanın bir sıra ərazilərində iyulun 12-də yenidən elektrik enerjisinin verilməsində məhdudiyyətlər olub.
“Azenerji” ASC-nin məlumatında bunun Ağsu və Yevlaxda baş verən yanğınla əlaqəli olduğu bildirilib: “Saat 15:30 radələrində Mingəçevir şəhərindən 151 km məsafədə yerləşən Ağsu rayonunun Bico kəndi və eyni zamanda Yevlax rayonunun Xanabad kəndindən 20 km məsafədə Hava Elektrik Veriliş xəttlərinin yerləşdiyi ərazilərdə genişmiqyaslı yanğın törədilib. Nəticədə “Azərbaycan” İES və Mingəçevir SES-nə Abşeron Yarımstansiyası ilə birləşdirən yüksəkgərginlikli, 220 kV-luq Qəbələ, 220-KV-luq Ağsu və 330 kV-luq 1-ci Abşeron hava xəttləri yanğına məruz qaldığı üçün, baş verə biləcək ağır qəzanın qarşısını almaq məqsədilə dispetçerlər tərəfindən dövriyədən ayrılıb. Digər 500 kV-luq 2-ci Abşeron Hava xəttində isə yanğının təsiri nəticəsində qısaqapanma baş vermiş və xəttin mühafizəsi tərəfindən dövrədən ayırıblar. Yanğından baş verən qisaqapanmanın aradan qaldırılması üçün xətt dövrədən açılır. Xətt təkrar qoşma avtomatı tərəfindən vurulduqda yanğının davam etməsi nəticəsində xətt yenidən açılır. Son nəticədə xəttin dövrəyə qoşulması mümükünsüz olur. Beləliklə, yanğın nəıticəsində əsas güc ötürücü xəttlərinin dövriyəyə qoşulması mümkün olmur ki, bu da sistemin dayanıqlığının itirilməsi üçün böyük təhlukə yaradır”.
Deputat Vahid Əhmədov mətbuata açıqlamasında deyib ki, hüquq-mühafizə orqanları son hadisələrlə bağlı ciddi məşğul olmalıdır : “Baş verənlərdə hansısa xarici qüvvələrin əli var və onlar Azərbaycandakı tərəfdaşlarından istifadə edirlər. Bu məqamlar araşdırılmalıdır. Yəqin ki, Dövlət Təhlükəsizlik Xidməti məşğul olacaq”.
O, “söhbətin hansı dövlətlərdən gedir” sualına “özünüz bilirsiniz” deyərək əlavə edib ki, İran da, Rusiya da ola bilər: “Çünki TAP və TANAP layihələrinin həyata keçirilməsinə Rusiya dövləti maraqlı deyil. Avropanın qaz bazarının 60 faizi faktiki bu ölkənin nəzarətindədir. Bundan başqa səbəblər də ola bilər, hər halda hüquq-mühafizə orqnaları araşdırmalıdır”.
Şərhlər
Əsil deputat vaxtaşırı öz seçiciləri ilə görüşməli,onların dərdlərinə şərik çıxmalı və onların dərdlərini yuxarı instansiyalara çatdırmalıdır.Əfsuslar olsun ki, bir soruşan yoxdur Kİ,ay Şəkinin deputatı Yaqub Mahmudov,siz bir seçicinizə kömək etmisinizmi,onların dərd-səri ilə məşğul olmusunuzmu? Özünüzədə dövlət tərəfindən köməkçidə verilib,ona da büdcədən yüksək əmək haqqı verilir. Belə deputatlar yalnız öz ətrafına və öz məqsədləri üçün çalışan köməkçisi Gündüzə xeyr verir? Deputat əhalinin arasında olmalı
Gözəl izahdır, nə deyəsən?!
Bu təxribatlar Xəzər dənizindəki platformada günahsız neftçilərin öldürülməsindən başlayır.Biz hadisəni"təbii qəza "kimi qələmə verib susduq.Bizə qarşı həmişə əlində xəncər dayanan Rusiyanı görməliyik.O,bizə dost kimi yanaşanda daha təhlükəli olur..
....Hamı bilir ki bunu şimal qonşularımız töredib,sonuncu Allahu Ekber sedaları bizi yayındırıb cenubdan şübhelenmek üçün işledilmiş ifadelerdi.Bu xüsusi xidmet orqanlarının oyunudu.Sovet dövründe bele hadiseleri orqanlarımız qabaqlayırdı.
İki aftomobil qəza törədib.