PANDEMİYA YENİ VƏ QORXULU FAZASINA DAXİL OLUB - ÜST əksər ölkələrdə yoluxmanın sürətlə artdığını açıqladı
Ümumdünya Səhiyyə Təşkilatı (DST) xəbərdarlıq edir ki, insanların iqtisadiyyata ziyan vuran karantin tədbirlərindən yorulduğu bir vaxtda koronavirus pandemiyası yeni və qorxulu fazasına daxil olub.
“AzPolitika.info” azadliq.org-a istinadən xəbər verir ki, DST-nin baş direktoru Tedros Adhanom Qebreyesus deyib ki, epidemiyanın sürəti artmaqdadır və iyunun 18-də bütün dünyada 150 min yeni yoluxma baş verib. Bu, epidemiya başlanandan bəri birən yüksək göstəricidir. Yeni yoluxmaların təxminən yarısı Amerika qitəsində qeydə alınıb, habelə Yaxın Şərq və Cənubi Asiyada da yoluxmalar artıb.
Tedros deyib ki, adamlar evdə oturmaqdan yorulublar, amma virus da sürətlə yayılır. BirləşmişŞtatlar yoluxma vəölüm hallarının sayına görə hazırda dünyada birincidir. İndi koronavirus daha çox ABŞ-ın cənub ştatlarında yayılır.
Braziliya yoluxmada milyonu keçdi
Braziliya milyon yoluxmanın qeydə alındığı ikinci ölkə olub. Bu ölkədə virus böyük sürətlə yayılır. Braziliya Səhiyyə Nazirliyinin məlumatında deyilir ki, son 24 saat ərzində 54 min yeni yoluxma qeydə alınıb.
Bu indiyədək bir sutkada qeydə alınan ən yüksək göstəricidir. Bundan başqa Braziliyada artıq dalbadal dördüncü gündür ki, ölənlərin sayı 1200-dən aşağı enmir. İndiyədək bu ölkədə 49 min insan COVID-19-dan vəfat edib. İyunun 19-a olan məlumata görə koronavirusa bütün dünyada 8.5 milyon nəfər yoluxub. Onlardan 457 mini vəfat edib.
Çində virusun “Avropa ştammı” qeydə alınıb
DST təsdiq edib ki, Çin ölkədə baş verən yeni epidemiya yüksəlişinin əsnasında virusa dair son genetik məlumatları bölüşüb. Pekin bildirib ki, ölkədəki son yoluxmaları törədən koronavirus Avropadakı virusun ştammıdır.
Lakin DST-nin aparıcı eksperti Mixael Ryan dərhal bildirib: “Viruslar vəştamlar bütün dünyaya yayılıb və hətta Nyu Yorkda yayılan virus da Avropa ştammıdır. Lakin bu o demək deyildir ki, virusun ilkin mənbəyi mütləq Avropa sayılmalıdır”. Doktor Ryan deyib ki, son günlər Pekində baş verən yoluxma artımı ciddi tədqiq olunmalı və gətirilmə virusun belə böyük infeksiya sıçrayışı yaratmasının səbəbi öyrənilməlidir. Bununla belə Pekində gündəlik yoluxma göstəricisi iyunun 19-da sabit olaraq qalırdı.
Almaniyada rekord gündəlik yoluxma
Avropada İspaniya indiyədək baş vermiş naməlum səbəbli ölümləri araşdırıb və nəticədə rəsmi statistika rəqəminə daha 1000 ölüm əlavə olunub. Son məlumata görəİspaniyada indiyədək koronavirusdan 28,313 nəfər vəfat edib.
İyunun 19-da Almaniyada son bir ayda bir gün üçün ən böyük yoluxma rəqəmi qeydə alınıb. Son sutka ərzində bu ölkədə koronavirusa 700 nəfər yoluxub. Buna baxmayaraq əksər Avropa ölkələrində karantin məhdudiyyətləri yumşaldılır.
Şərhlər
ÜST fırıldaq təşkilatı olduğuna görə ABŞ onu maliyyələşdirməkdən imtina etdi.Bil Geytsin əlində oyuncaq olan təşkilata necə etibar edəsən?
Corona və biz. Gəlin etiraf edək ki, biz bütün hadisələrə qarşı laqeyid bir millətik və bu səbəbdəndir ki, Tarixin bütün mərhələlərində ölkəmizin və millətimizin taleyüklü məsələlərinə qarşı həmişə biganə olmuşuq və bunun da acı nəticələrini dədə-babalarımız da daxil, daima öz həyatımızda yaşamışıq.. Çünki, biz millət olaraq heç bir zaman özünü düşüncə tərzindən kənara çıxa bilməmişik və bu nədən də bizə aid Coğrafiyamızın zaman-zaman itirilməsinin, kiçilməsinin və bəzi zamanlarda isə dövlətimizin dayanıqlılığının təhlükə altında olmasının ferqine belə varmamışıq. İndi isə bğyük və təhlükəli bir Pandemiya fəlakəti ilə qarşı-qarşıyayıq. Bütün Dünya bu gün son yüz ildə üzləşmədiyi bir fəlakətlə üz-üzədir. Dünyanın ən güclü dövlətləri belə bu bəla qarşısında aciz bir durumda. Bu gün ölkəmizdə bu xəstəliklə bağlı Dövlət və hökümətin iilkin vaxtlardan atdıqları addımlar təqdir edilməlidir. İlk iki ayı hər kəs məcburi kurallara rəyət etməyə məcbur edildi və bunun da çox yaxşı nəticəsi oldu. Lakin Hökümətin sonrakı yumuşalma qərarlarına və tövsüyələrinə uymamağımız vəziyyəti nəzarətdən çıxarmış oldu. Yenə qeyd edirəm, bu bizim xəstəliklə mübarizədə verilən şərtləri hesaba almamağımızın nəticəsində oldu. Nədən bütün məsələlərdə, xüsusən də Pandemiya ilə bağlı qonşu və dost Gürcü milləti misal çəkilir. Çünki, orada o millətin özlərinə biganəliyi sıfır həddindədir də ondan. Gəlin heç olmasa bircə kərə də olsa özünü düşüncə tərzindən çıxıb, ümummilli düşüncə tərzine keçək. Lütfən. Millətinin varlığını düşünməyənlər, heç olmasa evladalarını və yaxınlarınsa düşünsünlər və buna xatir də verilən həkim tövsüyələrinə əməl etsinlər..