"Əgər Rusiyanın tarixi torpağı Krımı geri qaytarmağa haqqı çatırsa, Azərbaycanın da öz tarixi torpağı Qarabağ geri qaytarmaq haqqıdır". APA-nın Rusiya bürosunun məlumatına görə, bunu Azərbaycan Milli Məclisinin deputatı, Azərbaycandakı Rus İcmasının sədri Mixail Zabelin Sankt-Peterburq şəhərində "Rusiya-Azərbaycan: sülh, təhlükəsizlik və əməkdaşlıq naminə konfessiyalararası dialoq və islam həmrəyliyi" mövzusunda beynəlxalq konfransda çıxışında bildirib.
"Bu gün burada Krımın geri qaytarılmasından danışıldı. Qeyd olundu ki, Rusiya öz tarixi torpağı olan Krımı geri qaytarıb. Əgər Rusiyanın tarixi torpağı olan Krımı geri qaytarmağa haqqı çatırsa, Azərbaycanın da öz əzəli tarix torpağı olan, Ermənistanın işğalı altındakı Dağlıq Qarabağı geri qaytarmağa haqqı var. Bizim də buna haqqımız çatır", - deyə Azərbaycandakı Rus İcmasının sədri vurğulayıb.
M. Zabelin Qarabağ müharibəsi zamanı Azərbaycanda olan bütün xalqların, din nümayəndələrinin vətən torpağı uğrunda vuruşduğunu qeyd edib.
"AzPolitika.info" qeyd edir ki, deputatın bu müqayisəsi yersiz və ziyanlıdır. Çünki, dünya ictimaiyyəti Krımı Rusiyanın ərazisi kimi tanımır. Əksinə Rusiya tərəfindən Krımın işğal etdildiyi qəbul olunur. Azərbaycan da Krımı Ukraynanın ərazisi kimi tanıyır. Bu mövqeyini beynlxalq təşkiltlardakı müzakirələrdə açıq bəyan etməkdən çəkinməyib.
Dağlıq Qarabağın isə Azərbaycan ərazisi olduğu, Ermənistan tərəfindən işğal edildiyi dünya ictimaiyyəti tərəfindən qəbul edilir. BMT-nin qətanamələrində, AŞPA-da qəbul edilən sənədlərdə birəmalı şəkildə Ermənistanın Azərbaycan torpaqlarını işğal ertdiyi öz əksini tapır.
Yəni, Azərbaycan Rusiya kimi beynəlxalq ictimaiyyət tərəfindən başqa bir ölkənin vilayəti kimi tanınan, tarix boyu müxtəlif ölkələrin nəzarətində olan ərazini deyil, həm hüquqi, həm də tarixi baxımdan özünə aid olan torpaqların geri qaytarılmasını tələb edir. Buna görə də hansı səbəbdən söylənilməsindən asılı olmayaraq deputat M. Zabelinin müqayisəsi yersizdir və Azərbaycanın dövlət maraqlarına uyğun hesab edilə bilməz.
Rasim
AzPolitika.info
Şərhlər
Aqlamaqi bacrmayan ölüsünü murdar edər.Zabelin qaş düzəldmək istədi,ğözüdə vurub çixardi.
bunun kimilərinə mandat hədiyyə edənlər düşünməlidir...
Krım nə Ukraynanın,nə də Rusiyanındır. Krım əzəli Türk torpağıdır. Zabelin bacarırsa getsin Alyaskanı geri qaytarsın.Zabein bu danışığı ilə səviyyəsizlini sübuta yetirmişdır.O,danışığı ilə elə bilir ki,Milli Məclis Ali Sovetdir.Yediyi çörəyə belə hörmət qoymur.
Zabelin də Putin kimi özgə torpaqları özününküləşdirir.Məgər,o bilmir ki,Kırım Türkiyənin əzəli toprağıdır?Yaxşı bilir.Sadəcə olaraq,işğalçılıq rusiyanın təbiətindədir.
Azərbaycanın müstəqillik aktının əleyhinə səs verənlərdən birisi. 5-ci kolonu tanıyın bə bilin ki,kimlərdir.
vay, vay , vay , biabir olduq. seni biabir olasan!
AzPolitika.info Rasim bəy, M.Zabelin deməliydi ki, Kreml Krımı aldığı və Suriyanı xilas etdiyi kimi daha asan Qarabağı da Azərbaycana qaytarsın. Qarabağı Azərbaycan 23 ildə Kremldən KƏSKİN tələb etməyib. Deyəcəklər-"Haystan razılaşmır!" "Onda, Kreml işğalçıdan bütün hərbi dəstəyini geri çəksin." BMT qətnaməsindən sonra Azərbaycan hakimiyyəti Qarabağa ötürülən hər silaha və əlavə hərbçiyə görə NOTa verməliydi. Əfsuslar olsun ki, xəbərdarlıq "NOT"ları hərbə qarşı yox, mülkü vətəndaşlara edilir.