"Azərbaycan Respublikası Milli Məclisi deputatının etik davranış qaydaları haqqında" qanuna dəyişikliklərin forması, mahiyyəti ona bənzəyir ki, Milli Məclis seçkili deyil, təyinatlı orqandır. Təyinatlı bir orqanda orqanın rəhbəri necə əmr verib, işçisini cəzalandıra bilirsə, faktiki forma odur”.
“Report” xəbər verir ki, bunu Milli Məclisin bu gün keçirilən plenar iclasında deputat Musa Quliyev deyib.
M.Quliyev qeyd edib ki, Milli Məclis xalqın seçdiyi bir orqandır: “Dəyişikliyi oxuyanda elə başa düşülür ki, bunu deputat yazmayıb, kimsə deputatlara qarşı yazıb. Bəzən deyirlər ki, deputatlara hörmət edilmir. Deputatlara hörmət edilməməsi elə buradan görünür. Parlamentin İntizam komissiyasının qərarı ilə deputat mandatdan məhrum edilir. Onu seçən 40 min insandan soruşmurlar ki, sənin seçdiyin şəxsi mandatdan məhrum edirik. Əvvəlki qaydalarda bu, Milli Məclisin müzakirəsinə çıxarılırdı. Niyə indi elə deyil? Ona görə müzakirəyə çıxarılmır ki, İntizam komissiyasının 9 üzvünə tapşırıq vermək asandır, nəinki 125 nəfərə? Bunu pis niyyətlə demirəm. Yaxşı olar ki, bu, beynəlxalq ekspertizaya verilsin, onların rəyi alınsın.
Milli Məclisin işini yaxşılaşdırmaq istəyiriksə, müzakirələrə daha çox imkan yaradılmalıdır. Hər kəsə hörmətim var, amma deputatlar var ki, aylarla, illərlə parlamentdə çıxış etmirlər, seçicini təmsil etmirlər, biz buna bir söz demirik, amma deputatın iclasda 3 dəfə iştirak etməməsinə görə mandatı alınır...İllərlə iclaslarda olsun, çıxış etməsin, fəaliyyət göstərməsin, təklif verməsin, qanun yazmasın-bu zərərlidir, yoxsa bir ayda iclasda 2 dəfə iştirak etməmək? Biz deputatların statuslarının imkanlarını artırmalıyıq”.
Şərhlər
Sizlər Milli Məclisə təyin olunduğunuz ücün sizi təyin edənlərin istənilən göstərişlərini yerinə yetirməlisiniz
Millət vəkili öz seçiciləri qarşısında hesabat vermirsə, seçicilərinin problemləri ilə maraqlanmırsa,seçicinin müraciəti əsasında müvafiq deputat sorğusu verərək onun probleminin həlli istiqamətində müsbət nəticəyə nail ola bilmirsə ,seçicilər qarşısında hesabat vermirsə həm seçicilər qarşısında həmdə dövlət başçısı qarşısında ona göstərilən etimadı itirir. Belə deputatların mandatlarını alsalar yaxşıdır.
BIZDE BEYEM SECKI VAR.BIZDE HER WEY KITAYSKI.YAXWISI BUDUR KI ,INKIWAFUVU ELE
Meyer teyinatli deyil?
30 ildir MM- bir orqan kimi millətin hansı yarasına nə əlac edib ki?Yalnız öz biznesləri,monopoliyasına nəzarət edir,bir də ora göndərilən olmazlara yalandan əl qaldırırlar.Əslində bu vəziyyət və məzmunda MM-ə nə ehtiyac var? Milli Məclis millətin dərdinə qalmırsa və ya qala bilmirsə ona nə ehtiyac var?
Səni kimi deputata onca min seçici səs veribsə atama lənət!
Sizə bu da azdır-özünüzə toxunanda cırnayırsız eləmi?Bəs illərdir banklar millətin dərisini soyanda niyə dillənmirdiniz ? O 40 min seçici indimi yadınıza düşüb?