"Bizim inkişafa, apardığımız müstəqil siyasətə mütənasib olaraq bizə təzyiq də artır. Ancaq bu, enerji amilləri ilə əlaqədar deyil. Bu, bəzən bizi xalqımıza və ölkəmizə tamamilə yad olan hansısa avantüralara cəlb etmək cəhdləri ilə bağlıdır".
“Report” xəbər verir ki, bunu Azərbaycan Prezidenti İlham Əliyev “Rossiya-24” telekanalına müsahibəsində deyib.
Dövlət başçısı jurnalistin ölkəyə göstərilən təzyiqlərlə bağlı sualına belə cavab verib: "Məsələ ondadır ki, bizim enerji layihələrimizin inkişafı baxımından heç vaxt belə təzyiq hiss etməmişik. Mən hətta deyərdim, əksinə, Azərbaycan qazı Avropa ölkələrinin enerji təhlükəsizliyini müəyyən dərəcədə təmin edəcəyinə görə biz Avropa İttifaqı tərəfindən dəstək hiss etmişik. Hər il Bakıda “Cənub Qaz Dəhlizi” layihəsinin reallaşdırılması üzrə Məşvərət Şurası keçirilir. Bu layihədə Avropa İttifaqının üzvü olan bir neçə ölkə iştirak etdiyinə görə Avropa İttifaqı bu Məşvərət Şurası çərçivəsində hər zaman yüksək səviyyədə təmsil olunur. Biz öz enerji layihələrimizi reallaşdırırıq, çünki onlar bizə lazımdır. Çünki biz çox zəngin neft-qaz ehtiyatlarına malik ölkəyik. Biz onları satmalı, pul qazanmalıyıq. Buna görə də biz investor şirkətlər cəlb etmişik. Buna görə biz bankları cəlb etmişik. Neft-qaz kəmərləri tikirik. Təkcə Cənub Qaz Dəhlizi təxminən 40 milyard dollara başa gəlir. Bu investisiyaların böyük hissəsi borc kapitallarıdır. Buna görə əlbəttə ki, beynəlxalq maliyyə təsisatları ilə fəal əməkdaşlıq həmin layihənin mühüm amili idi".
Prezident həmin kontekstdə enerji layihələrinin icrası baxımından Azərbaycanın heç bir maneə hiss etmədiyini bildirib: "Buna görə də həmin kontekstdə enerji layihələrinin icrası baxımından biz heç bir maneə hiss etmirik. Digər tərəfdən, tamamilə haqlısınız ki, Azərbaycanın əhəmiyyəti və rolu təkcə enerji bazarında deyil, həm də bütövlükdə geosiyasi planda artır. Ölkə daha da inkişaf edir və regionda özünü təsdiqləmək üçün daha çox planları var. Bizim inkişafa, apardığımız müstəqil siyasətə mütənasib olaraq bizə təzyiq də artır. Ancaq bu, enerji amilləri ilə əlaqədar deyil. Bu, bəzən bizi xalqımıza və ölkəmizə tamamilə yad olan hansısa avantüralara cəlb etmək cəhdləri ilə bağlıdır. Mən söhbətin əvvəlində dedim ki, bizim ölkədə - Azərbaycanda heç bir potensial risk, fiziki, ideoloji, sosial, siyasi təhdid yoxdur. Bizim vətəndaşların rahatlığını yalnız kənardan poza bilərlər. Ona görə də biz öz suverenliyimizlə bağlı məsələlərə, təhlükəsizliyimiz, vətəndaşlarımızın təhlükəsizliyi məsələlərinə çox həssaslıqla yanaşırıq. Ona görə də Azərbaycanı hansısa beynəlxalq avantüralara cəlb etmək cəhdləri həmişə fiaskoya uğrayıb. Yəqin ki, bu, kiminsə xoşuna gəlmir və arabir biz bunun nəticələrini görürük. Bir qayda olaraq bunlar bizim ümumiyyətlə iştirak etmədiyimiz beynəlxalq təşkilatların qəbul etdiyi hansısa qətnamələrdə ifadə olunur".
Şərhlər
Hörmətli cənab Prezident!Siz gecə-gündüz xalqımızın rifahı üçün çalışırsınız,ancaq Sərəncamınızla təyin olunan məmurlar öz xidmətləri ilə etimadınızı doğrultmaq əvəzinə,vətəndaşı dövlətdən narazı salmağa can atırlar.Uzun müddətdir ki,sizin ünvanınıza və PA-nın Regional şöbəsinə ilkin sənədlərlə birlikdə ərizə təqdim etməyimə baxmayaraq,heç bir nəticəsi olmamış, şikayətimə əhəmiyyət verilməmişdir?Sizin ünanınıza etdyim müraciətlər,araşdırılmadan Rabitə Nazirliyinə göndərilir,ordada şikayətə əhəmiy.belə veril
Azərbaycan xalqı müdürük,dövlətçiliyə sadiq xalqdir.Onun inkişafını,əmin-amanlıqını poza biləcək qüvvə karrubsiyadır.Xalın xarakterinə yad olan bu bəla kənardan gəlib.Alman topu dağıda bilməyən SSRİ-ni karrubsiya dağıtdı.Ümüd edək ki,xalqımız,dövlətimiz bu bəlanın ölkədə kök salmasına imkan verməyəcək.Azərbaycan Avropa ailəsində öz demokratik yerini tutacaq.Qaldı possovet məkanındaki vahid mərkəzdən idarə olunan konfiliklərə xalqın və dövlətin tutduğu yol Haqq yoludur.Şər qüvvələrin sonuna az qalıb.
Əməyinizə, Zəhmətiniziə ,Zəkanıza sağlıq ,Sizki, bu Vətənimizi belə firavan, belə ğözəlləşdiribsiniz,Allah sizi qorusun!İnanırıq ki,sizin ,rəhbərliyinizlə Qarabağı və itirilmiş torpaqları da qaytaracayıq !
Hörmətli prezidentimiz allan Sizin canınızı sağ eləsin. Sizin ad gününüzü və qarşıdan gələn bayramınızı təbrik edirəm. Mən yaşlı kişiyəm uşaq deyiləm,nə də siyasətçi deyiləm heç maraqlabmıram da. Ancaq Sizdən bir xahiş edirəm. o Mehman adlı uşağı yenidən məmurlar şərləyib saxta cinayət işi aşıblar. Yenə deyirəm mən ağsaqqal kişiyəm nəinki başımda üzümdə heç bədənimdə də qara tük yoxdur. İmkan vermiyin o cavanı bu talançı saxtakarlar yenidən şərləsinlər.Anasının da ürəyi partladı öldü. Qisas almağa o qədər düşmənimiz var. Erməni torpağımızı alıb işğal ediblər. Getsinlər ermənidən qisas alsınlar. Xahiş edirəm bu uşağa imkan verməyin onu orada çürütsünlər.