“MÜTƏLLİBOV BU QƏTLDƏN YAXASINI KƏNARA ÇƏKƏ BİLMƏZ!” – “Şeypurçalanlar dəstəsi yaradıblar...”

“Çox heyfslənirəm ki, Əjdər Xanbabayevlə şəxsi tanışlığım, ünsiyyətim olmayıb, amma onun çox yaxın silahdaşları ilə Əjdər müəllim barəsində xeyli söhbətlərimiz olub. Məsələn, onu çox yaxından tanıyan Cəlal Əliyev Əjdər müəllim haqqında çox yüksək fikirdə olub. Cəlal Əliyev elə insan idi ki, hər adam haqqında yüksək danışmazdı, ancaq yaxşılığına dəqiq qərar verdiyi adamlara diqqət yetirməyə, onlar haqında yüksək fikir söyləməyə simiclik etməzdi. O, Əjdər Xanbabayev haqqında çox uca fikirlər səsləndirirdi. Cəlal müəllim hesab edirdi ki, Əjdər Xanbabayev heç nədən çəkinmədən, vəzifəsini belə, itirməkdən qorxmadan Heydər Əliyev yolunda mübarizəyə qoşulmuş bir kişi idi. Elə belə də oldu, bu yolda həyatını itirdi. Cəlal Əliyevlə görüşdən sonra evinə qayıdan Əjdər müəllimi maşınına oturanda qətlə yetirdilər, gülləylə vurdular”.

Bunu Dominant.az-a Yeni Azərbaycan Partiyasının (YAP) qurucularından biri və partiya sədrinin keçmiş müavini, sabiq Əmək və Əhalinin Sosial Müdafiəsi naziri Əli Nağıyev 1990-cı ildə Heydər Əliyevin Azərbaycana gətirilməsində misilsiz xidmətləri olmuş, bu yolda canından belə, keçmiş tanınmış ziyalı, mədəniyyət xadimi, "Azərnəşr"in o zamankı direktoru Əjdər Xanbabayev haqqında danışarkən deyib.

Əli Nağıyev Əjdər Xanbabayevin məhz Heydər Əliyevin Bakıya gəlməsindən bir gün öncə - 30 may 1990-cı ildə şəhərin mərkəzindəcə sifarişlə qətlə yetirilməsindən danışıb: “O vaxtkı Baş prokuror İxtiyar Şirinovun, səhv etmirəmsə, Mamed adlı müavini ilə iki dəfə görüşümüz olmuşdu. O, mənə dəqiq demişdi ki, Əjdər Xanbabayevi vuran adamın adı Tarix olub, qətlin təşkilatçısı isə Hacı Seyfəl deyilən adam. Hacı Seyfəl də Ayaz Mütəllibovun dostu idi. Mütəllibov bu qətldən yaxasını kənara çəkə bilməz”.

Həmsöhbətimiz Ə.Xanbabayevi ali insan kimi xarakterizə edib: “Əjdər müəllim barəsində, "Azərnəşr"in ondan sonrakı direktoru Əlicanla da dəfələrlə söhbətlərimiz olub. O vaxt o, mənim yanıma, partiyanın qərargahına gəlirdi. Əlican Əjdər müəllim haqqında çox ətraflı danışırdı, onun öldürülməsinə o qədər yanırdı ki, əsəblərini cilovlaya bilməyib, onu öldürtdürənləri söyməklə acığını çıxmağa çalışırdı.

Rusların bir “dobrodetel” sözü var, Azərbaycan dilinə birmənalı tərcüməsi yoxdur. Düzdür, comərd, xeyirxah kimi tərcümə edirlər, amma heç biri bu sözün tam mənasını ifadə etmir. “Dobrodetel” çox tutumlu sözdür və “dobrodetel” olmağın ən cavib dörd keyfiyyəti var – ağıl, sevgi, iradə və ədalət. Məsələn, Azərbaycanın musiqi dühası Üzeyir Hacıbəyli “dobrodetel” olub. Əlican müəllimin söhbətlərindən mənim nəzərimdə Əjdər müəllim də əsl “dobrodetel” kişi kimi canlanıb. İndi Əjdər müəllimi bir cümləylə təsvir etməyimi istəsələr, Heydər Əliyev uğrunda canını qurban verən kişi kimi xarakterizə edərəm”.

“Çox təəssüf edirəm ki, indiki məqamda belə insanlara layiq olduqları qiymət verilmir. Layiq olduğun qiymətin verilməsi çox önəmi, əhəmiyyətli, vacib məsələdir. İndi Əjər Xanbabayev də, Heydər Əliyev də haqq dünyasındadır, bizim kimisə kəsib atmağımızla, sıradan çıxarmağımızla, silməyə çalışmağımızla gerçəklik, həqiqət, tarix dəyişməyəcək. Heydər Əliyev deputat olduğu vaxt çıxış edəndə Milli Məclisdə ayaqlarını yerə çırpanlar, təpik döyənlər, fit çalanlar bu gün Heydər Əliyevin guya təbliğatçıları kimi şeypur çalanlar dəstəsi yaradıblar. Halbuki oların hamısı yal tulalarıdır, heç birinin Əjdər Xanbabayev kimi canını qurban verməyə cəsarəti çatmaz.

Hər şeyi düz, olduğu kimi demək lazımdır axı. Məsələn, o vaxt Naxçıvan Ali Məclisinin sədri, Allah rəhmət eləsin, Afiyəddin Cəlilov yox, ondan əvvəlki İsayevdi, nə idi, olsaydı, Heydər Əliyev ola bilərdi ki, deputat seçilməsin. Əgər deputat seçilməyəcəkdisə, deməli, ondan sonrakı fəaliyyəti də olmayacaqdı. Eyni zamanda, əgər o vaxt Əbülfəz Elçibəy yox, İsa Qəmbər prezident olsaydı, işlər tamam başqa istiqamətdə gedə bilərdi. Başqa bu kimi məsələləri də mütləq nəzərə almaq və hər bir kəsin qiymətini düzgün vermək lazımdır. Bu tərbiyə bizə Nizami babamızdan qalıb, o böyük kişi deyirdi ki, “İnsanda bir hünəri görüb vəsf etsən əgər, onun hünər çeməsi birə beş qüvvətlənər. İnsanda bir qüdrəti görüb tərif etməsən, onun hünər gövhəri düşüb itər əlindən”. Bunu da bilmək lazımdır ki, insanlığın ən böyük ləkələrindən biri qədrnaşünaslıq, dönüklükdür. Zatən bu dünyada çox qısa ömür sürürük, doğru olanı danmaqla heç nə əldə etməyəcəyik”, - deyə sabiq nazir vurğulayıb.

Əli Nağıyev məqam düşmüşkən, Heydər Əliyevin yenidən hakimiyyətə gətirilməsi, Yeni Azərbaycan Partiyasının qurulması ilə bağlı bəzi tarixi məqamları da xatırladıb: “Bir faktı da danışım, o vaxt – ya Azərbaycan Dövlət Universitetin (indiki BDU – red.), ya da Azərbaycanda Sovet hökumətinin qurulmasının 50 illiyində Ziya Bünyadov çıxışında demişdi ki, “Azərbaycan SSRİ-nin tərkibinə Gəncədə istehsal olunan inciçiçəyi sabunuyla sabunlanıb girməmişdi, Azərbaycanı işğal eləmişdilər”. Bundan sonra Ziya Bünyadova qarşı müəyyən təzyiqlər olmuşdu. 1992-ci ildə mən bir qrup ziyalı ilə bərabər Ziya müəllimi Naxçıvana, Heydər Əlyevlə görüşə aparanda, H.Əliyevin otağında baş tutan görüş zamanı Ziya Bünyadov bu məsələni bir daha önə çəkdi. Heydər Əliyev Ziya Bünyadovu dinləyəndən sonra cavab verdi ki, “Ziya, sən mənə niyə demirsən ki, sən mənim vaxtımda Dövlət Mükafatı Laureatı olmusan, sən mənə niyə demirsən ki, sən mənim vaxtımda akademik olmusan, sən mənə niyə demirsən ki, mənim vaxtımda institutun direktoru olmusan (Z.Bünyadov 1964-cü ildən Yaxın və Orta Şərq Xalqları İnstitutunda "Orta əsirlər tarixi" şöbəsinin rəhbəri olub – red.). Əgər mən istəməsəydim, sən bunlara nail ola bilərdinmi? Allah rəhmət eləsin, Ziya müəllim başını aşağı salaraq Heydər Əliyevin fikirləri ilə razılaşdı. Heydər Əliyev davam edərək qeyd elədi ki, “Mən siyasi rəhbər olaraq, həm səni qorumalıydım, həm də respublikanı”. Ziya Bünyadov da bir kəlmə söz demədən başını saldı aşağa. Bütün bunları yazmaq, danışmaq lazımdır. Hər kəsin əyrisini də, düzünü də, pisini də, yaxşısını da olduğu kimi demək lazımdır. Ziya Bünyadov incik olsa belə, o çətin məqamda ayağa qalxıb dedi ki, “Heydər Əliyev hakimiyyətə gəlməsə, bu xalqın sabahı yoxdur”. İndi boş-boş adamların mənasız danışması tarixə, həqiqətə təsir edə bilməz.

O dövrdə mən eşidəndə ki, hansısa kənddə Heydər Əliyevə rəğbət bəsləyən bir nəfər var, çətinliklə olsa belə, maşın tapıb gedirdim həmin kəndə. Birinci dəfə həmin adamın evində qonaq qalıb adamın özüylə söhbətlər edirdim. İkinci dəfə gedəndə o adamın evində mənim başıma 3-5 nəfər yığılırdı, artıq üçüncü dəfə gedəndə həmin 3-5 nəfər olurdu 10-15 nəfər ki, bununla da təşkilat komitəsi yaranırdı. İndi bütün bunların üzərindən qara örtük örtüb, “ancaq mən varam, başqa heç kim yoxdur” deməklə heç nəyi unutmaq, unutdurmaq mümkün olmayacaq. Bu gün “ancaq mən varam” deyənləri də çox yaxşı tanıyıram.

Heydər Əliyev 1993-cü ilin fevral ayında Bakıya gələndə bu gün qazan başına keçib, çömçəsini yekə götürənlərin biri də aeraportda yox idi. Tayfadan Cəlal Əliyev idi, Rafiq Xələfov idi, hər ikisinə Allah rəhmət eləsin. O vaxt, Allah rəhmət eləsin, Aqil müəllimi tanımırdım, bilmirəm, orada var idi, yoxsa yox idi. Bir də Mahmud Məmmədquliyevi tanımırdım, ancaq qardaşımın dediyinə görə, o, orada olub. Partiyadan da mən idim, Rəfail Allahverdiyev idi, Fəraməz Maqsudov idi. Bir də Allah rəhmət eləsin, Bəxtiyar Vahabzadə və Zeynəb Xanlarova orda idi. Bunları da demək lazımdır ki, bu gün dövləti talayanlar, çömçəsini qabağa dürtənlər qoy eşitsinlər, bilsinlər”.

Müsahibimizin fikrincə, Əjdər Xanbabayev mübarizə adamı deyildi, öz intellekti ilə işləyən, özünü qurban verməyə hazır fədai idi: “Onun yazıçılar arasında da böyük hörməti olub, haqqında ancaq ədalətli kişi kimi danışırlar. Yenə də deyirəm, çox təəssüf edirəm ki, onunla bircə dəfə olsun belə, görüşüb söhbət etmək şansım olmayıb. Ancaq onun Heydər Əliyevin Azərbaycana qayıtmasinda rolu danilmazdir”.

635x100

Şərhlər

Kələntər 2020-06-29 09:09:53

Əlil Nağdıyev, Mütəllibovun və AXC-nin hakimiyyəti zamanı nə qədər ərazilər ermənilərdən təmizləndi.YAP 30 ildə 3 dənə kəndi geri qaytarıb?Sizin "Simasız quldurlar" partiyanız Azərbaycanı talamaqdan başqa bir iş görməyib.Mütəllibov adam öldürtdürən olsaydı sizi kimilər 100 il qala hakimiyyətə gələ bilməzdi.Get,nağıl danışma !rimiz düşməndən azad edildi.YAP nə qədər torpağı geri qaytarıb? Sizin "

Haqq-Edalet 2020-06-22 15:17:34

Eli nagiyev Ejder Xanbabayevin qetlinde Mutellibovu gunahlandirir. Yalansa ozun agirligunda dash dushsun bashuva. Mutellibov bu xalqi ve dovleti seven vetenperver prezident olub. Senin kimi elillerin pulunu ogurlayib xalqina xeyanet etmiyib.

Xeyreddin 2020-06-21 14:33:30

Ali nagiyev bu gun Ali insanovun yaninda yer alib, Baki ve Shirvanlilara qarshi tebligat aparir. Baki ve Shirvanlilar her zaman Prezidentimizi ve birinci vitse Prezidentimizi destekleyib ve bundan sonra da destekleyecek. Her kim ki Prezidentimize xeyanet edir, prezidentin terafdarlarina qarshi sher bohtan kompaniyasi aparir gec-tez qan un cercivesinde layiq oldugu cezani alacaq.

Eli 2020-06-20 14:27:03

Bilirsiz bele olmaz biz hamımız mili menefeyi hemişe şexsi menafwden üstun tutmalıyıq yoxsa bu eqidede olan bezi insanlar qeqiq movqeleri olmadığından bir müddet sonra Qorbaçovun “en güclü kadrı”anz dilinde üç kelme danışa bilmeyem ermenini rusu öz milletinden çox isteyen çılız miskin bir teseffür sahibi Vezirovu getirib milli qehreman edib ona heykdl de qoyarlar.Axı bele olmaz biz öimliyinde haralı olmağından ssılı olmayaraq kim haqq ddyir onu müddfie etmeliyik

Eli 2020-06-20 13:59:54

Müellifi tehqir etmek acizlik ve meğlubiyyet elametidir Fakt ondan ibaretdir ki rehmetlik Ejder müellimin aile üzvü. olan insan teşekkür ve minnetdarliq edir ve bu müellifin dediklerini tesdiq etmek demekdir

Eli 2020-06-20 13:36:27

Mütellibovu müdafie edenler qoy etsin bu onların vetendaş mövqeyidir buna xalq qiymet verecek ancaq müellif kişi kimi konkret adlar ve faktlar qoyub ortaya Siz de konkret olun Mütellibovu kim bağışlayıb bilmirem ancaq rehmetlik H.Eliyev bağışlamamışdı ve çox düz elemşdi Eger siz Veten övladlarısızsa ortaya kişi kimi fakt qoyun

Mutellibova şər atanlara cavab 2020-06-19 17:54:00

Ayaz Mütəllibov Prezident cənab İlham Əliyevi və Birinci vitse-prezident İlham Əliyevi tam dəstəkləyir və prezidentin son islahatlarını yüksək qiymətləndirir. Sizin kimi insanlar prezidentin apardığı kadr islahatlarına kölgə sala bilməz.

Telet 2020-06-19 17:43:28

... Sosial teminat Naziri olanda elillerin bashina oyun acirdi.... Elllillerin bashina oyun acdigin ucun Prezident seni vezifeden qovdu.

Maqsud 2020-06-19 17:31:22

Ali Nagiyev, Ayaz Mutellibov bu Xalq ucun cox ish gorub, Azerbaycanin musteqilliyine imza atib. ...

Moşu ya cavab 2020-06-18 23:25:44

Moşu, Əli cox hiyləgər afamdı..... Əli hələ də quldarlıq dövründən, yerlibazlıq vərdişinfən əl çəkə bilmir. Prezidenimix İlham Əliyev çox sağ olsun ki Əli Nağıyev kimi bölücüləri vəzifədən uzaqlaşdırdı.

Eli 2020-06-18 22:36:43

Ancaq insaf namine demek lazımdır Mütellibov çx savadlı be işni mükemmel bilen bir kadr idi ve Heyder Eliyevin zamanında en yüksek vezifelerde işlemişdir Ancaq o qetiyyetsiz adzm olduğundan buraxdığı sehvler onun taleyını menfiye doğru hrll etdi Bu dz onun yeqin ki taleyi idi

Eli 2020-06-18 21:51:27

Mütellibov SSRİ döneminde xalqımızın bir nömreli düşmeni Qorbaçovun dövrüde Azerbaycanın SSRİ nin terkibinde qalması üçün keçitilen referenfiumda çox canfeşanlıq eledi ancaq bir şey alınmadıMüsteqillik aktına qol çekmesi onun yox vaxt çox güclu olan ve xalqın desteyini qazanan Xalq cebhesinin tezyiqi olduİkinvisi bu tehber eger qol çekib azad dövlet yaratmişdısa daha Moskvaya niye qaçırdı qamışdısa niye geri qayıdordı

Eli 2020-06-18 18:14:13

Sehv etmiremse son yüz ilde bizim dövlet başçılarından yegane adam MirceferBağırov öz günahlarını etiraf edib o da son meqamda mehkemede ve deyib :Menim günahlarım xalqım qarşısında o qeder çoxdur ki meni güllelemek öldürmek yöx şaqqalamaq lazımdır.Bütün günahlarına baxmayaraq kişi adam olu qorxmayıb cesır olub ölum ayağında sözunu deyib Ona göre xalq pnu yaddan çıxarmır mence ona rehmet de düşür Bir de var ki kimimde türkün sözü dalinda gizlenib rehber olmaq isteyesen ferqli işlerdir ele deyilmi?

Eli 2020-06-18 18:04:35

Qedimden qalma bir söz var Leke ve yaxıd damğa Bilirsiz insan gerek ele yaşasın ki adı gelende övladları xecalet çekmesin.İndi bizim ağsaqqal köhne başçımız bu yaşında durun kişi kimi etiraf etse bu müzakirelere ehtiyac olmaz

Eli 2020-06-18 17:32:28

Çekme çeke bilmezsen berkdir feleyin yayı

Eşi - ye cavab. 2020-06-18 17:22:43

Eşi - sen.... bilmirem nesen. Azerbaycan xalqının düşmeni sen ve seni öyredenlerdi.

Eli 2020-06-18 16:57:28

Allah Bextiyara qeni qeni rehmet elesinDeyerdi:Haqqa deyinibler deyesen senin yemin bir balaca artıq olubdur Doğru danışanın doğru deyenin Papağı hemişe yırtıq olubdur

Ədalət 2020-06-18 15:57:23

Əli Nağıyev, elədiklərin haqsızlıqr, qansızlıqlar sənə dərs olmadı. Səb bu millətin üz qarasısan. Əjdır Xanbsbayevin qətlində Mütəllibovu günahlandırırsan, heç utanmırsan? Bu qədər də ağ yalan olar???? Mütəllibov şirvanlı olduğu üçün, Prezidenti və Birinci vitse - prezidenti dəstəklədiyi üçün sənin kimilerin kürkünə birə düşüb. Mütəllibovun 82 yaşı var, evində oturub öz həyatın yaşayır, nə istəyirsiniz ondan? Sən və səni öyrədib ortalığa atanlar Mütəllibovun dırnağı ola bilməz. Mütəllibov sizin klandan olsaydı indi başına and içərdiz.

Eşi 2020-06-18 14:47:37

Mütellibov SSRİ dönaminde daha doğrusu Azerbaycan xslqının esl düşmeni

Cəmil 2020-06-18 12:38:35

Əli müəllim, Sizə can sağlığı və işinizdə müvəffəqiyyətlər arzu edirəm.Sizin Əjdər müəllim haqda yazdıqlarınız məni həm sevindirdi , həm də kövrəltdi.Cox saqolun Əli müəllim.Çaşki o birilərdə bunu anlayaydılar.Mən o ailənin üzvüyəm.Allah Sizi qorusun.

Metanet Veyselova 2020-06-18 11:39:20

t.ədalət. Öz adını kiçik həriflə yazmaqda düz etmisən. Amma Mütəllibovun Əjdər Xanbabayevi qətlə yetirməsini gözünün içinə kimi səhv edirsən. Əli Teymur oğlu Nağıyev yadında saxla! Mütəllibov Azərbaycanın müstəqilliyinə imza atan ilk Prezident kimi tatixdə hər zaman qalacaq. Cənab Prezidentimiz İlham Əliyev Cox sağ olsun ki Mütəllibovun Baklya gəlməsinə razılıq verdi və ona exs-ptezident kimi qanunla nəzərdə tutulmuş bütün imtiyazlari verdi. Əslində Prezidentimiz İlham Əliyev 2009-cu ildə Mütəllibovun Bakıya gəlməsini istəyirdi, lakin öz mənafeyin hər şeydən üstün tutan sənin kimi xainlər imkan vermirdi. Sağ olsun cənab Prezidentimiz sənin kimi xainləri vəzifıdən uzaqlaşdırdı. Azərbaycan xalqı Prezidenti və həyata keçirdiyi islahatları tam dəstəkləyir. Sənın kimi avantürist məmurları vəzifədən çıxartdığı üçün prezidentə minlərlə təşəkkür məktubları ünvanlayırlar.

Moshu 2020-06-18 05:10:08

Mənim Əli müəllim qədər rusca biliyim olmasa da ətrafımda bu dildə danışanlardan nəsə öyrənməyə çalışmışam. Rus dili çox zəngin və qəliz dildir. Məs., Əli müəllim rəhmətlik Əjdər Xanbabayevlə bağlı onu rus dilində “добродетель” adlandırır. Əli müəllim bilməmiş deyil ki, bu söz iki sözün birləşməsindən əmələ gəlib: “добрый деятель”. «Добрый» - xoşməramlı, xoşniyyətli, rəhmdil, mərhəmətli, «деятель” sözü isə bir qayda olaraq xadim kimi tərcümə edilir. Tərcümədən belə çıxır ki, Əjdər Xanbabayev alimliyindən əlavə mərhəmətli, rəhmdil xadim olub, bəlkə də ondan da artığına layiq olub. Belə söz birləşmələri rus dilində kifayət qədərdir: «благополучие», «благо» - nemət «получие» - əldə etmək, «Жизнедеятельность» - «Жизнь» - həyat, «деятельность» - fəaliyyət. Bu siyahını sonsuzluğa qədər uzatmaq olar. İndi qayıdaq əsas mövzuya. Rəhmətlik Heydər Əliyev Sizinlə çətinliklə bacarırdı, sadəcə onun xofu sizi müəyyən əməllərdən çəkindirirdi, çünki bu insan siyasətin korifeyi idi və sizlər də onun kölgəsində fırlanırdınız. Heyif ki, O, özü kimi kadrlarla ətrafını formalaşdıra bilmədi. Onu siyasətdə heç kim aldada bilməzdi, lakin sizlər onu inamından istifadə etməyi bacarırdınız. Bu da əlavə mövzunun predmetidir. Keçək bu mövzu ilə bağlı məsələyə. Pəpə deyəndən kökə deyənə hamı bilirdi ki, rəhmətlik Ziya Bünyadovun "tormozunda" problem var idi. Əli müəllim yazısında qeyd edir ki, az qala Heydər Əliyev Ziya Bünyadovu dəcəl uşaq özünü yaxşı aparmayanda danladığı kimi danladı, O da məsum uşaq kimi başını aşağı saldı və az qaldı ağlasın. Yazının özü də səmimiyyətdən uzaqdır. Əjdər Xanbabayevə Allahdan rəhmət diləyirəm. Əli müəllim onun ölümünü ürək ağrısı,yanqısı ilə dilə gətirir və bu ölümü Ayaz Mütəllibovun ayağına bağlayır. Yaxşı, Afiyəddin Cəlilovun, Şəmsi Rəhimovun, Ziya Bünyadovun, Müdafiə Nazirinin müavininin, “Monitorun” baş redaktorunun ölümünü kimin ayağına yazaq. Əməldə olmasa da heç olmasa yazısında obyektiv, səmimi olsun. Azərbaycanda yaşayan bütün vətəndaşlar Azərbaycanın vətəndaşlarıdırlar. Gəlin görək min bir əziyyətlə yaradılan partiya təkcə Naxçıvan bölgəsinəmi aiddir. Naxçıvan Azərbaycanın incisidir, onun ayrılmaz hissəsidir, Qarabağ qədər hər birimizə əzizdir. Bəs bu ayrı-seçkilik nədəndir? Ətrafımıza nəzər salsaq onun şahidi olarıq ki, bütün dövlət strukturlarında çalışanların 99% Naxçıvanlılardan ibarətdir. Əli müəllim isbatlamağa çalışmasın ki, bu belə deyil. Bütün nazirliklərin saytlarına daxil olub baxsanız görərsiniz statistikanı. Yenidən gündəmə gəlmək üçün Əli müəllim münasib mövzu seçsə idi daha məsləhətli olardı

Mətanət Veysəlova 2020-06-17 23:26:02

t.ədalət. Öz adını kiçik həriflə yazmaqda düz etmisən. Amma Mütəllibovun Əjdər Xanbabayevi qətlə yetirməsini gözünün içinə kimi səhv edirsən. Əli Teymur oğlu Nağıyev yadında saxla! Mütəllibov Azərbaycanın müstəqilliyinə imza atan ilk Prezident kimi tatixdə hər zaman qalacaq. Cənab Prezidentimiz İlham Əliyev Cox sağ olsun ki Mütəllibovun Baklya gəlməsinə razılıq verdi və ona exs-ptezident kimi qanunla nəzərdə tutulmuş bütün imtiyazlari verdi. Əslində Prezidentimiz İlham Əliyev 2009-cu ildə Mütəllibovun Bakıya gəlməsini istəyirdi, lakin öz mənafeyin hər şeydən üstün tutan sənin kimilər imkan vermirdi. Sağ olsun cənab Prezidentimiz sənin kimiləri vəzifıdən uzaqlaşdırdı. Sənin kimi məmurıarı vəzifədən uzaqlaşdırdığı üçün xalq Prezodentimizə minlərlə təşəkkür məktubları ünvanlayır.

Eli 2020-06-17 20:56:21

Mence burda Eliden Veliden Ayazdan yox konkret faktlardan ve Vetene be xalqa Dövlete sedaqet ve ya xeyanetden gedir kimise temqid ve ya mudafie etmek lazim deyıl

Eli 2020-06-17 20:39:13

Dunyada en ağır cinayet Zvetene Xalqa xeyanetdir .Mence bu emele göre bağışlamaaq yox emele göre ceza verilmelidir Her halda Heyder Eliyevin bu meselede movqeyi hamıya melumdur En azından kimliyinden asılı olmayaraq hamı Veteve borcludur Beten ona yox bir de her kesinbir vetendaş mövqeyi olmalıdır.Men bele başa düşüremBu memim dostumdr adamımdır ellimdir olmaz

ƏLƏMDAR 2020-06-17 19:35:04

ALLAH ƏJDƏR XANBABAYEVƏ RƏHMƏT ELƏSİN ! ƏJDƏR MÜƏLLİM HEYDƏR ƏLİYEV SİLAHDAŞIYDI ! ƏLİ MÜƏLLİM NAĞIYEVƏ BU MƏSƏLƏYƏ OBYEKTİV MÖVQE BİLDİRDİYİNƏ GÖRƏ MİNƏTDARAM

Şəkidən 2020-06-17 17:50:13

YAP-a dövləti talan edənlər vəzifə sahibidirlər....???

Musa Musayev 2020-06-17 15:10:42

Əli müəllim, Siz yenı öz ampulanızdasız. Cənab Prezidentimiz İlham Əliyevin Mütəllibovu bağışlamasını və onu Azərbaycana dəvət etməsini hec cür qəbul edə bilmirsiz.... Bu gün öıkədə ən vacib məsələ barışıqdır.... Prezidentimiz hər zaman barışıq tərəfdarı olub və bunu dəfələrlə öz addımları ilə sübut edib. Bu gün Azərbaycan xalqı cənab Prezidentimizin və Birinci vetse-prezidentimizin ətrafında sıx birləşib. Sənin kimi avanturistlər və təxribatçılar heç nəyə nail ola bilmiyəcək.

Sənan 2020-06-17 09:21:27

Əli müəllim Siz KİŞİ ADAMSINIZ !

Yura 2020-06-17 00:44:17

Haci Seyfel Moskva Unvermaqimin sahibidi. Gör ne güne qaldiq

Eli 2020-06-17 00:09:26

Ayazın müdafieçisine eger o Heyder Eliyevi tanıyırdısa onda o bilmeli idi ki Heyder Əliyev ne sedaqeti ne de xeyaneti unutmurdu Her ikisine layiqli qiymeti verirdi Ele Ayazın ölkeye onun sağlığında buraxilmaması çox şeyden xeber verir Bunu başa düşmeye böyük ağıl ve derrake lazım deyil

Tahir Qasımov 2020-06-16 19:16:03

Bütün agrı acılara rəgmən BÖYÜK HEYDƏR ƏLİYEV siyasətinə sədaqətiniz dəyişməz qalmaqdadır.Siz həqiqətən bizim gözümüzdə və qəlbimizdə ləyaqət, şərəf, təmizlik numunəsi olaraq qalmısınız. Həmişə oldugu kimi indi də dedikləriniz tam həqiqətdir.

t.ədalət 2020-06-16 19:11:45

Əjdər Xanbabayevin qətlinin sifarişçisi birbaşa Ayaz Mütəllibov idi.Səbəb isə Ə.Xanbabayevin Heydər Əliyevə sədaqəti idi.Mütəllibov bir çox qətllərin sifarişçisi olub.Mütəllibov çox böyük xəyanətlər edib.Məsləkdaşı Rüfət Ağayevlə ermənistandan didərgin düşən soydaşlarımızın Bakıdakı erməni mənzillərinə girməsinə icazə vermir(Şəmkirdə Əhməd Əhmədzadə də ermənilərin evlərinə deportasiya olunmuş ermənistanlıların girməsinə qadağa qoymuşdu),blokadada qalmış Naxçıvana təyyarə uçuşlarını yasaqlayırdı.Tarixən biz həmişə ikili xəyanətlərə məruz qalmışıq.Düşmənin biri erməni-rus işğalçıları olubsa,digəri də öz vəzifəli şəxslərimiz olub.

Taleh 2020-06-16 19:00:09

Əli müəllim! Tutduğu mövqedən asılı olmayaraq hər hansı bir cinayətkarı ölkə başçısı ilə əlaqələndirmək böyük yalnışlıqdır. Axı Mütəllibovun nəyinə lazım idi ki, belə bir dəhşətli cinayətə razılıq versin. Həmin dövrdə Heydər Əliyevə loyal münasibəti olan və onunla birbaşa əlaqədə olan yüzlərlə tanınmış simalar var idi. Onların hansı birinə təzyiqlər olub? A.Mütəllibovun H.Əliyevlə vaxtaşırı görüşü və telefon danışıqları olub. Və ona qarşı heç bir mənfi fikirləri olmayıb. Prezidentə (həmçinin eks-prezidentə) və yaxud hər hansı bir şəxsə böhtan atmaq, onu şərləmək özü cinayətdir. Məkrli niyyətləriniz yetər. Yerliçilik mərəzindən nə qədər tez qurtulsanız xalqımız üçün bir o qədər yaxşı olar.

Vahid 2020-06-16 18:00:02

Əli Əhmədov, Mubariz Qurbanlı, Bahar Muradovanın əli ilə nəhənglərin başını yeyib sizin katibəniz Siyavuşun, Elman Nəsirlilərin ümidinə qalan YAP......

Ağayev Ağahüseyn 2020-06-16 17:33:45

Cox Hör.ƏLİ müə. Siz sabiq deyilsiz Siz həmişə öndəsiniz bizim NƏZƏRİMİZDƏ.Həm Nazir kimi həm YAP-ın qurucusu kimi diğərləri iylə birlikdə YADIMIZDASINIZ.İNDİ CÖMCƏ tutanlar sonradan YAP-qaynaq oldular ki,cömcə tutsunlar.Baxın onların yıqdıqı sərvətə.PƏHMƏTLİK H.ƏLİYEVİ təhqir edənlər indi İT YALINA CUMANLARDIR.Təpik döyənlər illərdir MM-ə oturublar.SİZ ƏLİ MÜƏLLİMSİNSZ BİZİM NƏZƏRİMİZDƏ.Tamahsız işlədiniz qüsursuz işlədiniz.ndidə alnı acıq üzü aq ğəzirsiz.SİZƏ UZUN ÖMÜR BELƏ SƏDAQƏT ARZULAYIRAM .HÖR.QARADAQLI Aqahüseyn.

Valeh 2020-06-16 17:30:33

Yap ... Еle bu mewsefle de qurullun.

ALİ naqievin təqdimatı 2020-06-16 16:22:14

10 ildə Ziya, Afiyəddin, Şamo,..Qarabağ genosidi, Sizlərsə heç ad çəkmədiniz?

Xalq 2020-06-16 16:20:42

vəzifə almaq planı

Eli 2020-06-16 16:19:36

Müellim menim Sizden heç vaxt xoşum gelmeyib ancaq dedklerinşz yüz faiz düzdür nöqte vergülüne kimi

Eli 2020-06-16 16:17:11

Müellimin dedikleri tamamile düzdür O vaxt ölke rehberliyi hamı bilirdi ki Heyder Eliyevi Bakıya gelmemesi üçün yüz oyundan çıxırdı yeni şexsen Ayaz Mütellibov ona göre o mecbur qalıb Naxçıvana getdi İsayev Heyder Eliyevin kadro olsa da o Mütellibova ve Vezirova daha yaxın idi Heqiqeten Afiyeddin olmasa idi o yeqin ki hakimiyyete gelmesi belke de mümkün olmazdı Mence burda göylerin de icazesi var idi Rehmetlik Xanbabayev heqiqetem fedai ve kişi adam idiAyaz ise aradan çıxıb Moskvaya ağalarının yanına qaçdı Millet Türkiyyeye qaçanda bu Rusiyaya qaçdıBu mesele onun vicdan meselesidirBaxmayaraq ki Heyderin onun odövr kadrların boynunda haqqı var idi Müellim düz deyir zaman geler bu işlere bur da qiymet veren tapılarYeni söhbet tek Eliyevden yox ölkenşn taleyinden gedirBize esrlerle qan uddutan dovletçiliye düşmen kesilen bir ölkeye qaçan adamı bu olkeye niye buraxıblar Axı ortada ne qeder istesen. faktlar ve şahidler var Ne ise her şeyin ancaq Elahezret Zamana ehtiyacı var

Maqsud 2020-06-16 14:12:08

Əli müəllim, Allahdan Əydər Xanbabayeva rəhmət diləyirik. Bäs yap-pensionerlerinin bir-bir siradan çıxarılaraq arxivə göndərilməsinə, onların isə geri qayitmaga cəhd edilməsinə dair nə deyə bilərsiniz? Eshitdiyimizə görə, Əli Əhmədovun da kürkünə bit düşüb...

Sadiq 2020-06-16 13:52:28

Bunlara gore de bu gun hakimiyyetde YAP yox Sahibkarlar Partiyasidir

Eli 2020-06-16 13:50:25

Müellimin dedikleri tamamike duzdürEger Heyder Eliyev kimi peşekar bir tehlükesizlik işçisi ve dövlet xadimi deqiq bir şey bilmeseydi onu ele sağlığında ölkeye bıraxardı.Bilirsiz ele işler var ki onu o kişiden başqa heç kim qeti eerar vere bilmezdi Onu qiymetlendire bilmeyenler ise siyasetde uduzdular Bu az çox siyasetin elifbasını bilenler analiz etse başa düşer ve kişiye öz qiymetini verer en azından siyasetçi kimi

Alim 2020-06-16 13:40:02

Hormetli Eli muallim bu qeder bir shexsi fetishileshdirmekde meqsediniz nedir? Yaxshi siyasetci odur ki, ozunden sonra normal komanda goyub getsin. ..... Ejder muallim boyuk ziyali idi. O boyuk heriflerle adi yazilasi Azerbaycanlidir. Kenderde zaten hami Eliyevi isteyirdi, onlar ele guman edirdiki, o qayidan kimi her shey yoluna dushecek ve onlar yaxshi yashayacaqlar. Eliyevde gelende dediki, omurumun qalan hissesini bu xalga qurban vereceyem.

Oxucu 2020-06-16 13:36:16

Yenədə vəzifə...

Son yazılar