ƏLİ HƏSƏNOVA 2 MİLYARDLIQ KORRUPSİYA İTTİHAMI... - İstintaqda dindirildiyi, 15 milyon geri qaytardığı deyilir + FOTOLAR

Vəzifə səlahiyyətindən, tutduğu postdan dövlət malını talamaq, mənimsəmək üçün istifadə edən məmurların cəzalandırılması prosesi davam edir. Təqdirəlayiq haldır ki, bu proses yalnız vəzifədə olan deyil, sabiq məmurları da əhatə etməyə başlayıb.

Sabiq əmək və əhalinin sosial müdafiəsi naziri Səlim Müslümovdan sonra daha hansı məmurların həbs olunacağı hazırda cəmiyyəti düşündürən əsas məsələlərdən birinə çevrilib. Bununla bağlı redaksiyamıza daxil olan məlumata görə, bir müddət əvvəl daha bir sabiq məmurla bağlı istintaq başladılıb. 

Söhbət Qaçqınların və Məcburi Köçkünləri işləri üzrə Dövlət Komitəsinin keçmiş sədri, Baş nazirin sabiq müavini Əli Həsənovdan gedir. Onun bir müddət öncə dövlətin müvafiq orqanlarına çağırılaraq saatlarla dindirildiyi bildirilir.

Musavat.com-a məlumat verən mənbənin dediyinə görə, qaçqın və məcburi köçkünlərin mənzillə təminatı, kommunal xidmətlərə görə ödənişləri və sair istiqamətlərdə yol verilən korrupsiya hallarının araşdırılması üçün aylar öncə təhqiqat başlanıb. Təhqiqat və araşdırmalar nəticəsində 2 milyard manata yaxın dövlət vəsaiti və xarici yardımların mənimsənilməsinə dair dəlillər aşkarlanıb. Mənbə bildirir ki, Ə.Həsənov bu dəlillərlə bağlı dindirilməyə cəlb olunub. Onun qısa müddətdə 15 milyon manata yaxın vəsaiti geri qaytardığı, lakin istintaqın dayandırılmadığı qeyd olunur.

Qeyd edək ki, qaçqın və məcburi köçkünlərə ev paylanması, onların kommunal xərclərinin qarşılanması sahəsində ciddi problemlərin olduğuna dair ölkə mətbuatı uzun illər dayanmadan faktlar və materiallar dərc edib. Bu məsələ hətta ölkə Prezidenti səviyyəsində qaldırılıb. 

Belə ki, ötən ilin mayında Kəlbəcər rayonunun İcra Hakimiyyətinin başçısı vəzifəsinə yeni təyin olunmuş Azər Qocayevi qəbul edərkən Prezident İlham Əliyev məcburi köçkünlərin təminatları ilə bağlı ciddi problemlərin aşkarlandığını deyib: “Əlbəttə ki, sosial ədalət prinsipləri üstünlük təşkil etməlidir. Ədalət hər bir sağlam cəmiyyətdə aparıcı ideya, aparıcı tezis olmalıdır. Çünki ədalətsizlik insanları incidir, ədalətsizlik insanlarda inamı qırır. Ədalətsizlik nəticə etibarilə böyük problemlərə gətirib çıxarır. Ona görə hər bir sahədə ədalət prinsipi bərqərar olmalıdır. Məsələn, bu il köçkünlərə 8 minə yaxın mənzil veriləcək. Bu mənzillərin verilməsində tam şəffaflıq olmalıdır. Həm Dövlətqaçqınkom və eyni zamanda, yerli icra orqanları burada birgə işləməlidirlər. Köçkünlərin dəqiq uçotu aparılmalıdır. Əfsuslar olsun ki, əvvəlki illərdə bu uçot lazımi səviyyədə aparılmırdı".

"Belə məlumatlar var ki, bəzən qəsdən aparılmırdı. Çünki dəqiq uçotun olmaması müxtəlif manipulyasiyaya yol açırdı. İndi biz araşdırma, təftiş aparırıq, görürük ki, köçkünlər üçün tikilmiş evlərdə bəzi hallarda heç köçkün statusuna aid olmayan insanlar yaşayır. İndi biz bəzi ictimai binaları boşaldırıq, köçkünləri yeni mənzillərə köçürürük, sonra da görürük ki, - məsələn, bu yaxınlarda mənə məlumat verildi, - bir binada yaşayanların 20 faizi heç köçkün deyildi. Necə gəliblər oraya? Kim onları yerləşdirib? Kim onları qeydiyyata alıb? Dövlət orqanları. Nəyinsə müqabilində bunu ediblər. Yoxsa necə ola bilər ki, köçkünlər üçün nəzərdə tutulan binada başqa insanlar yaşayır. Belə hallar var. Mənzillərin bölgüsündə mənfi hallar kifayət qədər çox idi. Mənə verilən məlumata görə, bəzi hallarda köçkünlərdən pul alırdılar. Halbuki, dövlət onları pulsuz mənzillərlə təmin edir. Bu faktlar da araşdırılır. Ona görə, ilk növbədə, dəqiq uçot aparılmalıdır. Dövlətqaçqınkoma bu məsələ ilə bağlı göstərişlər verilib. Aidiyyəti yerli icra orqanlarının rəhbərliyi bu məsələdə çox diqqətli olmalıdır və bu işlər birgə tənzimlənməlidir”, - dövlət başçısı vurğulayıb.

Göründüyü kimi, mənbəmizin haqqında bəs etdiyi araşdırmanın aparılmasını Prezident ötən ilin mayında anons etmişdi. Maraqlıdır ki, məhz Əmək və Əhalinin Sosial Müdafiəsi Nazirliyinin fəaliyyət sahəsinə daxil olan məsələlərlə bağlı araşdırmaların aparıldığını da cəmiyyətə ilk olaraq Prezident açıqlamışdı. O, 2020-ci ildə əlilliyin və pensiyaların təyinatı, sosial dəstəyin göstərilməsi sahəsində ciddi problemlərin, qanunsuzluqların aşkarlandığını, bu istiqamətdə araşdırmaların aparıldığını bir neçə dəfə bəyan etmişdi. Bunun ardınca isə S.Müslümov həbs olundu. Görünür, ötən ilin mayında məcburi köçkünlərin uçotu, mənzil təminatı ilə bağlı açıq korrupsiya hallarının olduğun deyərək, araşdırmalar aparıldığını qeyd edən Prezident konkret fəaliyyətlərə əsaslanırmış.

Ə.Həsənovun hansı həcmdə vəsaitin mənimsənilməsində ittiham edilməsinin mümkünlüyü məsələsinə gəlincə, burada söhbət çox böyük həcmdə vəsaitlərdən gedə bilər. Belə ki, Ə.Həsənovun “Qaçqınkom”a rəhbərlik etdiyi dövrdə köçkünlərin problemlərinin həlli, müavinətlərin verilməsi, evlərin tikilməsi üçün 7 milyard manatdan çox vəsait xərclənib. 

Daha dəqiqini desək, 1993-2018-ci illər ərzində ümumilikdə 7,1 milyard manat vəsait sərf edilib. Bunun 3,4 milyard manatı dövlət büdcəsinin, 2,3 milyard manat Dövlət Neft Fondunun, 1,4 milyard manat isə beynəlxalq maliyyə qurumları və ölkəmizdə fəaliyyət göstərən beynəlxalq humanitar təşkilatların vəsaiti olub.

Bu illər ərzində qaçqınlara verilən yardımların, kommunal xidmətlərə görə güzəştlərin çatdırılmasında, yaxud hesablanmasında böyük problemlərin olduğu dəfələrlə qeyd edilib. Bu və digər problemlər Hesablama Palatasının apardığı araşdırma zamanı da üzə çıxmışdı. Araşdırmanın nəticələri 2019-cu ilin yanvarında açıqlanıb.

Palatanın 01.04.2016-01.04.2018-ci il dövründə Qaçqınların və Məcburi Köçkünlərin İşləri üzrə Dövlət Komitəsinə və tabeliyində olan qurumlara dövlət büdcəsindən ayrılan vəsaitlərin istifadəsinə dair apardığı audit nəticəsində normativ hüquqi aktların, eləcə də normativ-metodiki sənədlərin tələblərinə əməl edilməsi ilə yanaşı bəzi nöqsanlara yol verildiyi, Komitə tərəfindən əvvəlki auditin nəticələrinin aradan qaldırılması ilə bağlı tədbirlərin tam görülmədiyi, bəzi nöqsanların və artıqödəmələrin təkrarlandığı müəyyən edilib.

Audit 2016-2017-ci illər və 2018-ci ilin birinci rübü üzrə ümumilikdə 515 030,8 min manat vəsaiti əhatə edib.

Komitə və onun tabeliyində olan qurumların bəzi əməkdaşlarının dövlət qulluğuna qəbul və onlara ödənilən əmək haqqı xərcləri qanunvericiliyin tələbləri nəzərə alınmadan həyata keçirilib, aparat işçilərinin ezamiyyə və nəqliyyat vasitələrinin yanacaq xərclərində artıq ödənişlərə yol verilib.

Azərbaycan Prezidentinin 2017-ci il 23 yanvar tarixli 1206 nömrəli “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” Fərmanına əsasən 01.01.2017-ci il tarixdən məcburi köçkünlərin yemək xərci müavinəti, habelə kommunal və digər xidmətlər üzrə ödənişlər əvəzinə vahid aylıq müavinət müəyyən edilməsi təsbit edilsə də, müavinət almaq hüququ olmayan şəxslər üzrə də kommunal xidmət haqları ödənilib.

Yemək xərci üçün müavinət alan məcburi köçkünlərin adlı siyahıları ilə əraziləri işğal olunan rayonlar üzrə vəfat etmiş şəxslərin adlı siyahılarının üzləşdirilməsi zamanı müəyyən edilmişdir ki, bir sıra hallarda məcburi köçkünün vəfat etdiyi tarixdən sonra müavinət ödənişləri davam etdirilmiş, nəticədə dövlət büdcəsindən artıq müavinət ödənişinə yol veriib. Həmin vəsait müvafiq qaydada Komitə tərəfindən dövlət büdcəsinə bərpa edilib.

Hesablama Palatası tərəfindən Dövlət Komitəsində həyata keçirilmiş əvvəlki, eləcə də hazırkı nəzarət tədbirləri zamanı müəyyən edilmişdir ki, kommunal xidmətlər üzrə adlı siyahılarda məcburi köçkünlərin ad, soyad və ata adları düzgün göstərilməmiş, eyni şəxslərin adları dəfələrlə təkrarlanıb, vəfat etmiş, hərbi xidmətə çağırılmış, uzun müddət ərzində xarici ölkələrə getmiş və güzəştli kommunal xidmət hüququnu itirmiş məcburi köçkünlərin adları siyahılardan tam çıxarılmayıb. Qanunvericilikdə tələb olunmasına baxmayaraq adlı siyahıların dəqiqləşdirilməsi müntəzəm olaraq həyata keçirilməyib.

Seçmə qaydada 7 ali təhsil müəssisəsi üzrə təhsil haqqından azad olmaq üçün təqdim edilmiş məcburi köçkün vəsiqələri barədə məlumatlar Komitənin müvafiq elektron məlumat bazası ilə üzləşdirilərkən 15 tələbənin ad, soyad və ata adları bazada aşkar edilməmiş, Komitə tərəfindən təsdiq edilmiş müvafiq protokollarda isə həmin tələbələrə verilmiş məcburi köçkünlüyü müəyyən edən vəsiqənin daha əvvəl başqa şəxslərə verildiyi öz əksini tapıb.

Hesablama Palatasının Kollegiyası Qaçqınların və Məcburi Köçkünlərin İşləri üzrə Dövlət Komitəsi və tabeliyində olan qurumlar tərəfindən artıqödəmələrin audit dövründə bərpasının nəzərə alınması və yol verilmiş nöqsanların qısa müddətdə aradan qaldırılması, o cümlədən dövlət büdcəsindən ayrılmış vəsaitlərin təyinata uyğun xərclənməsinə və kommunal xidmət haqlarının yalnız qanunvericiliklə şamil edilən kontingent üzrə müvafiq normalar həddində ödənilməsinə ciddi nəzarətin təmin edilməsi, məcburi köçkünlərin adlı siyahılarının dəqiqləşdirilməsi, təkrarlanmaların qarşısının alınması, eləcə də dövlət vəsaiti hesabına kommunal xidmət göstərilən kontingentin dəqiq uçotunun aparılması məqsədi ilə vahid informasiya şəbəkəsinin yaradılması, Komitənin strukturuna daxil olan qurumların işçi və texniki ehtiyatları mövcud olduğu halda fiziki və hüquqi şəxslərlə müqavilələr bağlanılması hallarının aradan qaldırılması və lüzumsuz xərclərə yol verilməsinin qarşısının alınması, dövlət büdcəsindən ayrılan vəsaitlərin məqsədyönlü və qənaətli istifadə edilməsi, həmçinin nöqsanlara yol vermiş vəzifəli şəxslərin qanunvericiliklə nəzərdə tuDövləti soyan hazırkı və sabiq məmurlarla hesab çürüdülür; “Qaçqınkom”un keçmiş sədrinin talanan vəsaitlərin 15 milyonunu geri qaytardığı bildirilir...tulmuş qaydada məsuliyyətə cəlb edilməsi, verilmiş məcburi köçkün vəsiqələri barədə faktlar üzrə müəyyən edilmiş hüquq pozuntularının ciddiliyini nəzərə alaraq müvafiq materialların Baş Prokurorluğa göndərilməsi barədə qərar qəbul edib.

Göründüyü kimi, Ə.Həsənovun istintaqa cəlb olunması, hətta həbs edilməsi üçün kifayət qədər hüquqi əsaslar var...

"AzPolitika.info" onu da qeyd edir  ki, qaçqın və məcburi köçkünlər mərhumiyyətlər içərisində yaşasa da, Əli Həsənovunasiləsi milyonlarının nümayiş etdirməkdən də çməkinməyib. "Gelandewagen” markalı avtomobillə törətdiyi qəza nəticəsində 2 nəfərin ölümünə səbəb olan, ancaq heç 2 il belə həbsdə qalmayan Əlİ Həsənovun nəvələrindən birinin maşın kolleksiyası bu ailənin necə harın həyat sürdüyünü təsəvvür etməyə kifayət edir. Əgər bir nəvənin dəyəri milyonlarla ölşülən avtomobil kolleksiyası varsa, onda Əli Həsənovun milyardlarının olduğu təəccüblü deyil. İndi əsas məsələ  həmin milyardları ondan geri almadır,..

Sonda yazı ilə bağlı qarşı tərəfi dinləməyə, mövqeyini dərc etməyə hazır olduğumuzu qeyd etməklə yasnaşı, Əli Həsənovun nəvəsinə məxsus olduğu bildirilən avtomobillərin fotolarını təqdim edirik: 

Əli Həsənovun nəvəsinin maşın kolleksiyası -  FOTOLAR
Əli Həsənovun nəvəsinin maşın kolleksiyası -  FOTOLAR
Əli Həsənovun nəvəsinin maşın kolleksiyası -  FOTOLAR
Əli Həsənovun nəvəsinin maşın kolleksiyası -  FOTOLAR
Əli Həsənovun nəvəsinin maşın kolleksiyası -  FOTOLAR
Əli Həsənovun nəvəsinin maşın kolleksiyası -  FOTOLAR


635x100

Şərhlər

Veteran 2021-02-23 22:53:20

Bunun .... sifətiə baxmaqdan bezdik.qudurğan evladları,cinayətkar nəvələri ,qudaları və erməni qohumları ilə birlikdə damlayın getsin.Canımız qurtarsın bu yırtıcılardan.

Amirov! 2021-02-22 17:50:47

Dövlətimiz-Xalqımıza qarşı Ə.Həsənovun bu dəhşətli əməllərinin təkcə bəndləri deyil, motivlərinin də aydınlaşdırılması daha vacibdir; Cənab Prezidentimiz söyləyir: “onların ürəyində nə qədər düşmənçilik hissi olmalı idi ki, bax, bu vəhşiliyi törətsinlər”. Vitse-spiker cənab A.Əliyev məhz bu əməl sahiblərini nəzərdə tutaraq KİV-də deyir: “Artıq zaman o zaman deyil, daxildəki təxribatçılar ifşa olunublar, daha ermənilərlə əlbir olub təxribat törədə bilməyəcəklər”—motivlər, bax, burdadır...

Amirov! 2021-02-22 17:21:59

2. Hələ onun BN müavini səlahiyyətlərindən istifadə edərək həmən MMC-lərinin də iştirakını təmin etdiyi Oğuz-Bakı su kanalı, aero-kosmik mərkəzdən belə meqalayihələrdə iştirakı; MTK-ları; restoran-otel-istirahət mərkəzləri, meqa-avtoservislər, şadlıq sarayları və s. və i.a. məhlim iki milyarda daxil deyil!.. Yoxsa, nəqliyyat vasitələrinin yanacaq xərclərində artıq ödənişlər, vəfat edənlərə müavinət ödənişlərinin davam etdirilməsi... aldadıcı pas ötürmədi...

Amirov! 2021-02-22 17:20:53

“Komitənin strukturuna daxil olan qurumların işçi və texniki ehtiyatları mövcud olduğu halda fiziki və hüquqi şəxslərlə müqavilələr bağlanılması”—burada hədəf nə olub? Əlbət ki, Ə.Həsənovun müxtəlif adamların adına olan, əslində özünə məxsus onlarla MMC-rə Layihələri ötürməklə milyardları mənimsəmək və izləri itirmək!.. “15 milyon qaytarıb”—bununla o, dövlət-ölkəmizi məsxərəyə qoyur: bu rəqəm yalnız kiçik bir qəsəbənin tikintisi; kommunal xətt-şəbəkələr; sosial obyektlər və s.fantastik şişirdilmiş qiymətlərindən talanan kapitaldan çox kiçikdir...

Surxay 2021-02-22 17:12:16

Bu Əli Həsənov gərək yerə girsin, bu yaşda elədiyi əməllərə baxın.

Amirov! 2021-02-22 15:41:21

“Komitənin strukturuna daxil olan qurumların işçi və texniki ehtiyatları mövcud olduğu halda fiziki və hüquqi şəxslərlə müqavilələr bağlanılması”—burada hədəf nə olub? Əlbət ki, Ə.Həsənovun müxtəlif adamların adına olan, əslində özünə məxsus onlarla MMC-rə Layihələri ötürməklə milyardları mənimsəmək və izləri itirmək!.. “15 milyon qaytarıb”—bununla o, dövlət-ölkəmizi məsxərəyə qoyur: bu rəqəm yalnız kiçik bir qəsəbənin tikintisi; kommunal xətt-şəbəkələr; sosial obyektlər və s.fantastik şişirdilmiş qiymətlərindən talanan kapitaldan çox kiçikdir... Hələ onun BN müavini səlahiyyətlərindən istifadə edərək həmən MMC-lərinin də iştirakını təmin etdiyi Oğuz-Bakı su kanalı, aero-kosmik mərkəzdən belə meqalayihələrdə iştirakı; MTK-ları; restoran-otel-istirahət mərkəzləri, meqa-avtoservislər, şadlıq sarayları və s. və i.a. məhlim iki milyarda daxil deyil!.. Yoxsa, nəqliyyat vasitələrinin yanacaq xərclərində artıq ödənişlər, vəfat edənlərə müavinət ödənişlərinin davam etdirilməsi... aldadıcı pas ötürmədi...

T.edalete 2021-02-22 11:43:28

....Bax 91_lerin vezifede olamisi hansi yolla gedibler.tslanci partiya oldugunu,meqsed ve meramini tesdiq eden fakt varmiBundan artiq YAP,-inanlari,mes.Abutalibov/)

Ceyhun 2021-02-21 21:35:47

Guya Əıi Həsənovun bu əməlləri yuxarıda heç kəsə bəlli deyildi? Görmürdülər? Onun kimliyini,nə ilə məşğuı oldiuobiuğunu bilərəkdən ona bu imkanlar niyə verilmişdi? Elı ilk illərdən qaçqınlara ayeılan pulların talei YAAP -da məlum idi.Amma,qarışıq millilik qalib gəldi.l

Eli 2021-02-21 20:57:56

Deyirem göresen yüzlerle onlarla yüksek ranqlı memurlarım arasında işleyen ya işlemeyen ) bir nefer de olsun bir Kişi kimi meselen Mircefer Bağırov mehkemesinde günahını etiraf etdiyi kimi durb bu Xalqın qabağında deyecek ki ay menim Xalqım men bunları etmişem ve tövbe edirem meni bağışla.Ya men yuxumu danışıram.Göresen ele bir günü bu millet görecekmi yoxsa arzumuz üreyimizde qalacaq

t.ədalət 2021-02-21 15:11:43

Prezident aparatının qarajında bu qədər maşın yoxdur.Araq stəkanını əlindən yerə qoymayan bu adamın əməllərini,nə əcəb hakimiyyət görmürmüş?Axı,çoxlu şikayət yazırdılar,Ə.Həsənovun talançılığı haqqında lazımi qədər məlumat verirdilər.

Moshu 2021-02-21 10:09:17

Bəlkə də heç mənim məsləhətimə ehtiyacları da yoxdur hər ehtimala qarşı Korrupsiyaya qarşı mübarizə baş idarəsinə bir dost məsləhəti verərdim. Artıq söz-söhbət yaranmasın deyə mütəmadi olaraq mətbuat vasitəsilə sadə azərbaycanlılara görülən işlər barədə məlumat verməklərini tövsiyə edərdim. Məs., bu yazıda qeyd olunur ki, Əli Həsənov istintaq zamanı 15.000.000 manat ödəyib. Korrupsiyaya qarşı mübarizə baş idarəsinə bir dost kimi tövsiyə edərdim. Məs., Sinqapurda Korrupsiyaya qarşı mübarizə Komissiyasının binasında hazırda fəaliyyətdə olan, sabiq, tamahlarına güc gələ bilməyib məsuliyyətə cəlb olunan əməkdaşlar (güman edirəm ki, bizlərdən fərqli olaraq dayısına, əmisinə, xalasına görə hər yerindən duranı bu komissiyaya işə qəbul etmirlər) barədə də məlumatlar xüsusi stenddə öz əksini tapır. Ölkə başçısı öz çıxışlarında mütəmadi olaraq ictimai nəzarətdən danışır. İctimai nəzarətin buynuzu olmur. Hörmətli Baş Prokurorumuz göstəriş verə bilər ki, heç olmasa ən azından rübdə bir dəfə görülən işlər barədə əhali məlumatlandırıla idi. Fikrimcə, burada dövlət sirri daşıya biləcək hansısa məqam yoxdur. Hesab edirəm ki, hörmətli Əli Həsənov da yaşına, başına hörmət edib büdcəyə maksimum vəsait ödəməlidir. Allah ona 100 il ömür versin. Əvvəl-axır haqq dünyasına qovuşmalıdır. İnandırım Sizi onun harınlamış nəvəsi goruna söyə-söyə o pulların başına daş salacaq, babasının da qəbri od tutub yanacaq. Hacı Əbdül sağ olsa idi Əli müəllimə tövbə etdirərdi. Allah sənə rəhmət eləsin ay Hacı Əbdül .....

Doğru 2021-02-21 08:33:17

Allah səsimi eşitdi. Gec eliyir amma güc eliyir Tanrım. Bu erməni sifəti güllələmək lazımdı. Deyirlər büdcədə pul yoxdu. Alın verin də bu pulları büdcəyə...

Moshu 2021-02-20 23:21:07

Bu insanın bir növ mahiyyətini açmaq məcburiyyətindəyəm. 1990-cı ilin Prezident seçkilərində Ayaz Mütəllimovun vəkili, onun aktiv təbliğatçılarından biri olan Əli Həsənov birdən-birə YAP-çı, Əliyevçi olur. Hardandıər bu dönüş? Yalnız Xameleonlarda belə qabiliyyət var. Yap-ın elə bədbəxtçiliyi də bundadır. Yalnız Əli Həsənovmu belələrindəndirmi? Mübariz Qurbanlı, Əli Əhmədov da Əli Həsənovun bir tayıdır. Rəhmətlik Siruz Təbrizli vaxtında öz sözünü demişdir. Nə qədər ki, YAP-ın belə nümayəndələri çox olacaq, onun gələcəyi partdaqdır. Mən milyardları saymıram, Sumqayıtda Əşya bazarı deyilən əraziyə yolunuz düşsə kimdən Əli Həsənovun obyektlərini soruşsanız dəqiq məlumat əldə edərsiniz. Əli Həsənovun Sumqayıtdakı bağını görsəniz ürəyiniz gedər. Azərbaycanda əcaib bir praktika var, nə qədər çox oğurlasan bir o qədər hörmətli olarsan. Elə Sumqayıtın icra başçısını götürsəniz görərsiniz hansı maraqlı faktlar ortaya çıxacaq. Bu mərkəzdə olan erkəkləri görəndə YAP-ın nə gündə olması göz önünə gələr. İlham Əliyev öz yolunu belələrindən ayırmalı, onların məsələlərini həll etməlidir.

Oxucu 2021-02-20 20:51:09

Cəbrayılın bərpasını bu rüşvətxor maliyyələşdirməlidir! Ölüb gedəcək, pulları avara nəvələrinə qalacaq.

Ramil 2021-02-20 19:39:20

Bəs millət, mətbuat hay-küy qaldiranda niyə reaksiya verilmirdi? İndi nə baş verdi ki?

Vətəndaş 2021-02-20 19:36:08

O qaytardiqlarini kimə verirlər? Yəqin həmişəki kimi?

Vətəndaş 2021-02-20 18:52:08

Erməni düşməndir bilirik və vuruşuruq. Bu talançılar ermənidən də təhlükəli düşməndirlər. Heç nə edə bilmirik. Gücsüzük

Hakim 2021-02-20 17:15:47

Azərbaycanda ölüm hökmünü bərpa etmək lazımdır. Ya bu dinozavrlar taladıqlarını qəpiyinə qədər qaytarmalıdırlar, ya da havadarları ilı birlikdə asılmalıdırlar. Bu kaftar sürüsünün bu xalqa vurduğu ziyan ermənilərin vurduğu ziyandan qat-qat çoxdur Bunlar bu millə tək maddi ziyan vumayıblar, bunlar bu millətin mənəviyyatını, əxlaqını, keçmişini, gələcəyini, hər şeyini ləkəliyiblər! .

Roma 2021-02-20 16:31:10

Mənə elə gəlir Azərbaycanda bundan da böyük, zəngin avtoparklar var...və məsələnin özəlliyi ondan ibarətdir ki, hər hansı bir avtoparkda maşın nömrələri əsasən eynidir...

M.Əsgərov 2021-02-20 15:03:07

qaçqınkom Azərbaycan tarixində xüsusilə 30 illik köçkünlük tarixində köçkünə həmişə problem yaradan orqan kimi qalacaq, bu komitəni ləğv etmək lazımdır..., heç kimə lazım deyil, yararsız bir təşkilatdır.....

Roma 2021-02-20 14:23:07

Bizim korrupsioner məmurlar, bizə düşməndən də çox ziyan vurublar. Düşmən düşməndir və belə demək mümkünsə səninlə üzbəüzdür, özününkünə arxanı çevirirsən birdə gördün arxadan vurdu...Əli Həsənov kimi, onun xarakteri, iş üslubu belədir, xasiyyətini dəyişə bilməz, mən bir Sumqayıtlı kimi bunu bilirəm...

M.Əsgərov 2021-02-20 14:21:38

Elə İndi də məcburi köçkünləri incidirlər, köçkünün problemi kənarda qalıb öz maraqlarını güdürlər. Hazırda Bakı şəhəri, Nərimanov rayonu, Ə.Əlizadə küçəsi-19 ünvanda yataqxanada məskunlaşan köçkünlər bu sahədən köçürülmə ilə bağlı sahibkarla qaçqınkom birləşib sövdələşərək onları incidirlər, onları mənzillə təmin etməkdən imtina edirlər.......

Veteran 2021-02-20 14:16:20

Smdiriçovillar komandasını üzvülərindəndir.Təcili köpünü almaq lazımdır.

Tahir 2021-02-20 13:37:08

"35 manat çox böyük puldur, hara gəldi xərcləməyin...." Bəs 15 milyon nədir? Hiy?Hər rübdə azı bir dəfə Gürcüstandakı otelində erməni qohumlarını başına toplayıb onlara payladığı pullar nə qədər idi? 30 manat olmazdı yəqin...Allah bəlanı versin Əli Nağıyevin vasitəsi ilə..

Əfqan 2021-02-20 13:11:01

Bu natəmiz adamlar YAP yaradıb ökəni soymaqla məşğl olublar.

Vətən dasi 2021-02-20 12:57:56

Zərdabi başçısı Mərdan Camalov oğurluqda bundan o qədər də geri qalmır.DTX gözünün qırağı ilə Mərdan baxsa yaxşı olar dövlətimizə də YASAT fonduna da

Talib 2021-02-20 12:54:15

Nah nə böyük pul verib? 15 milyon Əli Həsənov adlı dənizdən bir vedrə ola olmaya.

Omar 2021-02-20 12:47:03

Guya o 15milyon dövlet budcesine gaytarılıbsada niye Dövlet budcesinde geyd olunmayıb bu şoudur başga hecne bu 7ilde onu 7defe her il Audit yoxlamaedibler niye aşkar etmiyibler?

fərqi yox 2021-02-20 12:27:13

Bir şəkli bir necə dəfə təkrarlamayın

Vətəndaş 2021-02-20 12:13:00

Bunlar ölkəni milləti tam çapıb talayıblar. Biz də indi çörək puluna möhtacıq.

Son yazılar