“ÖLMƏK İSTƏYİRƏM, DÖZƏ BİLMİRƏM!” – Deputatdan qəribə açıqlamalar
Polis əməkdaşını döyməkdə təqsirləndirilərək həbs edilən deputat Eldəniz Səlimovu müdafiə etməklə gündəmə gələn deputat, Vəhdət Partiyasının sədri Tahir Kərimli növbəti qəribə açıqlamaları ilə diqqət çəkib.
Xatırladaq ki, partiya sədri deputat həmkarının həbsini qanunsuz sayıb, onun əməlinin vəzifə səlahiyyətlərini aşması ilə heç bir əlaqəsinin olmadğını deyib. T.Kərimlinin çıxışında işlətdiyi "deputatın yiyəsi yoxdur" ifadəsinə Milli Məclis sədri Sahibə Qafarova sərt etiraz edib. Bildirib ki, Eldəniz Səlimovun polislə münaqişə zamanı işlətdiyi ifadələrin 10 dəqiqəlik səs yazısını otağında onu dinləməyə məcbur edəcək.
T.Kərimli “Reaksiya.tv”-yə müsahibəsində bildirib ki, o səs yazısını dinləməyib. Deputat sosial şəbəkələrdə və saytlarda barəsində təhqiramiz yazılar yazılmasından gileylənib. Daha sonra deputat həmkarına verilən ittihamdan danışıb: "Baş Prokurorluğunun deputat toxunulmazlığının ləğvi ilə bağlı parlamentə müraciətində Eldəniz Səlimova Cinayət Məcəlləsinin 309.2-ci maddəsi ilə ittiham verildiyi qeyd olunub. Milli Məclisin İntizam Komissiyasında da bu məsələyə toxunulmayıb. Amma Komissiyanın rəyində xəsarət yetirmək barədə qeydlər olub. Bütün mətbuatda da ancaq bu var ki, döyüb, söyüb, təhqir edib, xəsarət yetirib. Bu əməllərə görə vəzifə səlahiyyətlərini aşmaq ittihamı verilə bilməz. Deputat gecə kafedə olarkən hansı səlahiyyət həddini aşa bilər?”
Deputat media ilə yanaşı həmkarlarından da narazılığını bildirib: "Təsəvvür edin, bu çıxışımdan sonra ən yaxın dostum, deputat həmkarım məni övladının toyuna çağırmadı. Hətta mənimlə bir liftə minməyə qorxurlar".
T.Kərimli daha sonra heç nədən qorxmadığını ifadə edib: "Mən qorxmuram ki, övladıma nəsə eləsinlər... Məni də tutsunlar, nə olacaq ki?!"
Deputat, dövlət xətti ilə siyasi partiyalara ayrılan maliyyə yardımının azaldılmasından da şikayətlənib: "Bu il büdcəmizi 19 min manat kəsiblər. Məsələ qaldırdım, amma partiyalardan heç birinin dəstəyi olmadı, tək qaldım. Mən partiya büdcəsindən maaş almıram, amma bilirsiz, nə qədər adam dolanır bu vəsaitdən? 114 nəfərə maaş veririk, rayon şöbələrini saxlayırıq".
T.Kərimli daha dözə bilmədiyini, ancaq ölmək istədiyini vurğulayıb və çıxışını vaxtı ilə yazdığı şeirlə bitirib:
Qəlbimdə bir qəfəs tikdim,
Əqidəmi əsir edib,
sonra onu yenmək üçün.
Qəlbimdə bir qəbir qazdım,
əqidəmi gömmək üçün!
"AzPolitika.info"
Şərhlər
8 sifəti olan bir təxribatci. Xalg onu belə taniyir.
Deputata bac nu özünü idare ede bilmir millete ne vekillik edecek.İkincisi de özğnü öldürmek istiyir ya milleti dolayıb barmağına .Ay qardaş get öldür özünğü can senin hökm senin .Mece istiysen et bundan millet itirmez eksine aazanat çünki bir eqeidesiz azalar.
Günas səndə deyil, Günah sənin kimi təkadamcıq parti sədrini qüvvə sanıb Parlamentə düşürəndi.İnşallah Ölkə Başçısı uzağı payıza məclisi buraxıb sizin topunuzu göndərər.
Yazmırsan olmur heç olmasa bu adamın əqidəsi var,bəs əqidəsi umumiyətlə olmayanlar haqqında niyə yazmırsız.
Məşədi ibad demişkən; "mən özüm "Tarixi-Nadir" kitabını yarıya qədər oxumuşam, amma sənin dilini anlamıram. Bu bisavadlar neyləsinlər?" İkincisi, belə canı yanarsansa, sərxoş, həddini bilməz həmkarına ağıl qoy. Deputat gecə-gündüz camaat üçün çalışmalıdır. İçib şeytanın ....ni, lotuluq eləməlidir. 3-5 deputat xaric, hamınız ərizənizi yazıb, dərhal məclisi tərk edin. Camaata sizin kimi laqeydlər lazım deyil. Bezmişik sizlərdən...
28 il əvvəl də bu şantaj edirdi ki, intihar edəcək. Blef yapıyor. Nə intihar edən nə də ölən deyil.
Bu adamın pisixi durumu həmişə şübhə dogurub.Bir də ki, bu hansı partiyadan danışır və nəyə görə pul davası edir, anlamıram.?! Əqidə barədə danışmağı isə heeeeç uyğun gəlmir buna...
Sən əqidəni 1 dəfə dəyişmisən