SEPARATÇILAR XANKƏNDİNDƏ NÖVBƏTİ TƏXRİBATA HAZIRLAŞIR - Bakının cavabı nə olacaq?
Gələn ilin martında Xankəndində “erməni abidələrin albanlaşdırılması mövzusunda beynəlxalq konfrans” adlı təxribatçı tədbir planlaşdırılır. “Yeni Müsavat” xəbər verir ki, bu barədə oyuncaq qurumun “rəsmisi” bildirib. Rusiya və Avropadan ermənipərəst tarixçi alimlərin konfransda iştirakı gözlənilir. Bu, növbəti dəfə siyasi şou, ölkəmizə qarşı de-marş hazırlamaq təşəbbüsüdür və bununla beynəlxalq rəyi çaşdırmaq istəyirlər. İddia olunur ki, guya bu tədbir Bakının “erməni kilsələrini albanlaşdırması”na “qəti bir nöqtə” qoyacaq.
Hiss olunur ki, erməni tərəfi uzun illər ərzində saxtalaşdırdıqları alban kilsələrinin öz sahiblərinə qaytarılması prosesindən bərk narahatdır. Çünki bu “miatsum” sərsəmləməsinə, Azərbaycana qarşı ərazi iddiasına daha bir sarsıdıcı zərbə deməkdir. Ancaq Bakının icazəsi olmadan belə bir tədbir necə reallaşa bilər və həmin əcnəbi “alimlər” Xankəndində icazəsiz peyda ola bilərmi? İkincisi, icazə verilsə belə azərbaycanlı tarixçi alimlərin orada iştirakı nə dərəcədə mümkündür?
Hərçənd bu tədbirin gurultulu olacağı inandırıcı görünmür. Bir müddət əvvəl də Xankəndində parad keçiriləcəyi gözlənilirdi, lakin sıradan bir tədbir təşkil olundu, ermənilərin yürüşü də matəmə bənzədi. Bundan əlavə, separatçı qüvvələrin bölgədə hərəkətlərinə görə sülhməramlılar cavabdehdir. Eyni zamanda, üçtərəfli bəyanatın 4-cü bəndi icra olunmalı, yəni sülhməramlıların müvəqqəti yerləşdiyi ərazilərdən erməni silahlı birləşmələri tərkisilah edilməlidir. Bu günlərdə Ermənistan parlamentində bir QHT nümayəndəsi kukla rejimin başçısı Araik Arutunyanın ona silahlı dəstələrini evakuasiya edəcəyini söylədiyini açıqlamışdı və səbəb kimi Azərbaycan tərəfinin tələbini vurğulamışdı.
Əslində qarşıda gözlənilən üçtərəfli görüşdən sonra separatçı qüvvələrin bu ərazilərdən çıxması reallaşmalıdır. Ona görə martda onların tədbiri baş tutmaya da bilər, hətta saxta tarixlə bağlı yığışsalar belə, gələcək qonaqlar Azərbaycan Xarici İşlər Nazirliyinin icazəsi ilə ərazilərimizə daxil ola bilərlər. Baxmayaraq ki, Ermənistan Təhlükəsizlik Şurasının katibi Armen Qriqoryan “Artsax” heç vaxt Azərbaycanın tərkibində olmayacaq" deyib. Sosial şəbəkələrdə ermənilər Qriqoryanın bu fikrinə belə reaksiya veriblər: “Doğrudur, çünki daha ”Artsax" yoxdur".
Ona görə bu geydirmə tədbirlərlə mövcudluqlarını göstərməyə çalışanlar heç bir vəchlə beynəlxalq ictimaiyyətin rəğbətini qazana, “status” çağırışlarının daha da çox eşidilməsinə nail ola bilməyəcəklər. Bəs Bakı bu təxribatçı davranışlara necə yanaşmalıdır?
T.İsmayılın sözlərinə görə, həmin tədbirə gələcək qonaqların Xankəndi ərazisinə buraxılması ilə bağlı Rusiya sülhməramlıları məsuliyyət daşıyır: “Azərbaycan xəbərdarlıq etməlidir ki, həmin şəxslər qara siyahıya alınacaq, cəza tədbiri olacaq, sülhməramlılara da deyilməlidir ki, bu cür tədbirlər bizim icazəmiz olduqdan sonra baş tuta bilər. Yəni bizim ərazidən keçməklə, Füzulidən gəlib gedə bilərlər”.
Q.Hüseynli hesab edir ki, qanunsuz səfərlərin qarşısı alınmalıdır və burada sülhməramlıların üzərinə iş düşür. Politoloq Azərbaycanın Laçın koridoruna nəzarətinin güclənməsini zəruri sayır: “Sülhməramlılar kimi gəldi buraxa bilməz. Onlar dəhlizə nəzarət edirsə, öz vəzifələrini yerinə yetirməlidirlər. Prezidentin də qanunsuz xarici səfərlər barəsində bu günlərdə xəbərdarlığı olmuşdu. Ona görə heç bir beynəlxalq konfransdan söhbət gedə bilməz”.
Şərhlər
O konfransa məhşur tarixçilər qatılmayacaq qələnlər xarici nümayəndələr hamısı erməni məmşəyi adamlar olacaq
ermənilər katolikliyi buraxıb pravoslav təriqətinə keçdilərsə bu haqda müfəssəl məlumat verilsinsəl məlu
bunlar Bakının ciddi reaksiyası olmasa quduracaq,gələcək planlarında daha aqressiv davranacaqlar.Biz buna görəmi balalarımızı qırgına verdik ki,çaqqalar orada yenidən ulaşsınlar
Bakı cavabını 44 günlük Veten müharibesinde verib ,indi Bakı her çaqqalın etdiyi herekete göre hereket edesi deyil.Arayik kimi çaqqalara vaxt yoxdur ve Bakı daha ciddi işlerle meşğul olmalıdır.Arayikin ise halvası yaxın etrafı ile birlikde çalınıb,onlara ana bacı lazımdır ki. desmsl höyütüb bunların günğne ağlasın.