"Ramiz Mehdiyev, sən necə oldu ki, akademiyanın müxbir üzvü seçilmədən, akademik seçildin?"
"Ramiz Mehdiyev, oğlun hansı keyfiyyətlərinə görə nazirlikləri gəzir?"
“Çox təəssüf edirəm ki, akademiya prezidenti vəzifəsində olan şəxs bu qədər cılızlığa əl ataraq, təkcə məni deyil, digər deputatları da təhqir etdi. Mən Ramiz Mehdiyevin səviyyəsinə enmək istəmirəm. Amma bəzi gerçəklikləri söyləməyi vacib hesab edirəm. Mən Ramiz Mehdiyevi istefaya çağıran AMEA-nın həqiqi və müxbir üzvləri arasında ilk şəxsəm. Öz yazımda Ramiz Mehdiyevin şəxsiyyətinə qətiyyən toxunmamışam. AMEA-dakı problemləri, gənclərin elmdən getməsini, doktorantura və dissertanturaya yerlərin boş qalmasını, əlaqələndirmə şuralarını ləğv edib, öz əlində cəmləşdirib, adamlarını yığmasını, institutların hesabatına institut rəhbərlərinin çağırılmamasını akademiyada yaratdığı intriqa, dedi-qodu mühitini demişəm. Bundan da çıxış yolu kimi Ramiz Mehdiyevi istefaya səsləndirmişəm. Bu gün akademiyada nəsillər arasında əlaqə qırılır. Bir neçə il sonra biz Azərbaycan elminin tamamilə məhvini görəcəyik”.
Bu fikirləri Modern.az-a açıqlamasında Milli Məclisin deputatı, Azərbaycan Milli Elmlər Akademiyasının (AMEA) müxbir üzvü, professor, Qafqazşünaslıq İnstitutunun direktoru Musa Qasımlı deyib.
Deputat bildirib ki, bu iradlarının cavabında görün, Ramiz Mehdiyev nə yazır?!
“Yazır ki, guya mən Musa Qasımlı zamanında Ramiz Mehdiyevin kitab təqdimatlarında onun ünvanına, kitablarına təriflər demişəm. Hörmətli oxucular üçün aydınlıq gətirirəm. 2006-cı ildə Ulu Öndər haqqında kitabım nəşriyyata gedərkən Ramiz Mehdiyev tərəfindən mənə zəng edildi. Dedilər, Ramiz Mehdiyev istəyir ki, sizin kitabınıza elmi məsləhətçi olsun. Mən o zaman Bakı Dövlət Universitetində sadə bir professor idim. Ramiz Mehdiyev isə Prezident Administrasiyasının rəhbəri və akademik idi. Soruşuram, mənmi Ramiz Mehdiyevdən xahiş etdim, yoxsa o məndən?
Mən indiyə qədər Ramiz Mehdiyevin heç bir kitabında rəyçi olmamışam. Ramiz Mehdiyev öz xahişi ilə mənim həmin kitabıma elmi məsləhətçi olub. Ramiz Mehdiyevin kitablarının təqdimatında onun tutduğu siyahı ilə çıxışlar olub. Mən istəsəm belə onun kitablarının təqdimatında çıxış edə bilməzdim. Ramiz Mehdiyev mənim çıxış etməyimi özü istəyib. Mən çıxışlarımın, yazdığım yazıların arxasında dayanıram. Mən Ramiz Mehdiyevi dövlətin adamı olaraq qəbul etmişəm və heç vaxt bəlli çərçivələri keçməmişəm. Ramiz Mehdiyev məni əqidə yoldaşlarımdan asanlıqla imtina etməkdə suçlayıb. İndiyə qədər yalnız bir partiyanın – Müsavat Partiyasının üzvü olmuşam. 2003-cü ilin oktyabrında qarma-qarışıqlığa, anarxiyaya, xaosa etiraz olaraq istefa vermişəm. Bu gün də ölkədə xaos, anarxiya və qarışıqlığın əleyhinəyəm. Ramiz Mehdiyev nə istəyirdi? İstəyirdi ki, xaos, anarxiya davam etsin? Bu özünə dövlət adamı deyən bir şəxsə yaraşmır.
Mən soruşuram, Ramiz Mehdiyev Kommunist partiyasının üzvü olub, oradan çıxıb? O çıxmamışdan əvvəl Əbdürrəhman Vəzirov Azərbaycana gələndə, oxumamışam, görməmişəm, amma deyirlər, Ramiz Mehdiyev Heydər Əliyevin əleyhinə məqalələr yazıb. Yalnız Əbdürrəhman Vəzirov onu azad edəndən sonra mövqeyi dəyişib. Nə üçün ən çətin anlarda “91-lər”in cərgəsində olmadı? Yeni Azərbaycan Partiyasının sıralarına niyə qoşulmadı? Ramiz Mehdiyev məni cildi dəyişməkdə, şəxsi maraqlarımı güdməkdə ittiham edir. Siz özünüz deyin, cildini dəyişən Musa Qasımlıdır, yoxsa cilddən-cildə girən Ramiz Mehdiyevdir?
Mən mövqeyi aydın, konkret və birmənalı olan şəxsəm. Ramiz Mehdiyev yazır ki, Musa Qasımlı deputat vəzifəsinin imkanlarından istifadə edərək, övladlarını yüksək maaşlı dövlət orqanlarına işə düzəldib. Mən ona bildirmək istəyirəm ki, övladlarım cəbhə bölgəsində xidmət ediblər, biri zabit kursunu bitirib, hər ikisi rütbə daşıyır. Mənim övladımın biri üç nəfərlik ailəsi ilə bir otaqlı mənzildə, 57 kvadratmetrlik taxta döşəməli evdə yaşayır. O biri isə dörd nəfərlik ailə üzvü ilə birlikdə iki otaqlı mənzildə yaşayır. Mən Ramiz Mehdiyevdən soruşuram, sənin oğlun harada xidmət edib? Hansı biliyin sahibidir ki, Milli Təhlükəsizlik Nazirliyində, Xarici İşlər Nazirliyində, Miqrasiya Xidmətində və Fövqəladə Hallar Nazirliyində xidmət edib? Ramiz Mehdiyev, oğlun hansı keyfiyyətlərinə görə nazirlikləri gəzir?
Övladlarımın biri 2008-ci ildə işə düzəlib, mən onda BDU-da sadə bir professor idim. İkinci oğlum 2010-cu ildə işə düzəlib. Həmin il deputat seçilmişəm, amma seçkilər bu hadisədən sonra olub. Ramiz Mehdiyev, sənin övladın vəzifələrə necə gedib?
Ramiz Mehdiyev qırmızı cizgiləri keçib. O haqqımda yazır ki, Azərbaycan elminə bir xeyri dəyməyən insanlar... Kitabıma məsləhətçi olmağı xahiş edəndə mən böyük tarixçi-alim idim, indi elmə xeyri dəyməyən adam oldum? Bu sözlərini nə tez unutdun? Kitablarımın təqdimatında çıxış elə, kitablarım hörmətə minəcək deyirdin. Mən dünyanın yeddi ölkəsinin arxivində işləmişəm, kitablarımı özüm yazmışam, yaxşısı da, pisi də mənimdir. Soruşuram, Ramiz Mehdiyevin kitablarını kim yazıb? Ona şəxsi savaş açmamışam. Bu gün masamın üstündə 6 nəfər gəncin CV-si var. Onlar erməni və gürcü dillərini bilirlər. Mən dəfələrlə müraciət etmişəm, Ramiz Mehdiyev onları Qafqazşünaslıq İnstitutunda işə götürməyə imkan verməyib, əvəzində mənə “filankəsi işə götür” deyib, təzyiq edib. Aparat rəhbərinə cavabımı demişəm ki, həmin istedadlı gəncləri 4 ildir işə götürməyə icazə vermirsiniz, magistratura bitirməyən, elmə həvəsi olmayan bir şəxsi necə göndərirsiniz?
İstəyirsiniz, institutda mühasibatlığa, kadrlar şöbəsinə, ümumi şöbəyə öz adamınızı göndərin, hətta sürücünü də öz adamınız təyin edin. Amma elmi işçiləri mən götürürəm. Mən yox dediyim üçün sən məni təhqir edirsən? Mənim aldığım tərbiyə bu sözləri deməyə imkan vermir.
Ramiz Mehdiyev Akademiyaya gələndən sonra Qafqazşünaslıq institutu dağılmağa başlayıb. Erməni və gürcü dilini bilən gənclər çıxıb, gedirlər. O gənclər bir də nə zaman yetişəcək? Ramiz Mehdiyevin bu hərəkəti Azərbaycanın dövlət, milli maraqlarına nə dərəcədə uyğundur? Mən kitablarımın hər cümləsinə cavabdehəm. Ramiz Mehdiyev kitabından bir cümləsini desin. Bu gün Ramiz Mehdiyev Azərbaycan elminə ləkədir. Akademiyanın müqəddəs divarlarının içərisində olmağa layiq deyil. Onun mənim haqqımda dediyi sözlər bilavasitə özünə aiddir. Mən öz zəhmətimlə gəlmişəm və bu dövlətə qulluq edirəm.
Bəzən bizdə soruşurlar ki, Azərbaycan mətbuatı nə üçün söyüşlə danışır? İndi sizə məlum oldumu ki, 30 ilə yaxın müddətdə Azərbaycan cəmiyyətinə söyüşü, təhqirləri gətirən kimdir? Bu Ramiz Mehdiyevdir. Onun dünənki yazısındakılar Akademiyanın prezidentinə, özünə akademik deyən şəxsə yaraşırmı?
Məni iki dəfə Akademiyanın müxbir üzvü seçilməyə qoymadılar, gəlib dedilər ki, filankəs qoymur. Ramiz Mehdiyev, sən necə oldu ki, akademiyanın müxbir üzvü seçilmədən, akademik seçildin? Hansı kitabına görə?
Beynəlxalq reytinqlərə baxsın. Mənim əsərlərimə təkcə keçən il dünyanın 10-a yaxın ölkəsində 29 iqtibas edilib. Ramiz Mehdiyev AMEA-nın prezidentidir, özünü akademik sayır, görsün onun kitablarına neçə iqtibas olub? Görsün Ramiz Mehdiyevin kitabları nə qədər oxunur?
Ramiz Mehdiyevin mənim elmim, biliyim və tərbiyəm haqqında danışmağa haqqı yoxdur. Dedikləri bilavasitə onun özünə aiddir”.
Şərhlər
Azərbaycan Atalar sözü ilə zəngin olan yeganə ölkələrindəndir ki, bunları zaman-zaman süzgəcdən keçirib, həyatda onun doğru-yalan olmasını sübut etdikdən sonra dillər əzbərinə çevirib. Məsələn, insan var qocalanda ipəyə dönür, insan da var, köpəyə dönür. Heç kimin şəxsiyyətinə toxunmaq niyyətim yoxdur, sadəcə olaraq Azərbaycan folklorundan nümunə gətirdim. Allah rəhmət eləsin Şirəli Müslümova, 167-168 il yaşadı, kökə deyəndən pəpə deyənə hamı onu yaxşı mənada xatırlayır. Allah Ramiz Mehdiyevə 300 il ömür versin, istəyir lap şeytan olub divara çıxsın. Üzümü Ramiz Mehdiyevə tutub demək istəyərdim, ay “ağsaqqal”, ay “akademik” bu şou nəyə gərəkdir, nə əldə etmək niyyətin var? Burada yenə atalarımızın sözü yadıma düşdü. Örkən nə qədər də uzun olsa yenə gəlib doğanaqdan keçəcək. Allah təala hər birimizi yaradanda onun alın yazısını yazıb, heyif ki, o yazını oxumaq bizə nəsib olmayıb. Elə yaxşı ki, olmayıb yoxsa adam dəli olardı. Haraya burcutsan da yenə sığınacaq yerin uzağı 2 metr uzununa, 1 metrə eninə olan oteldir, o da hələ qismət olsa, oraya əlavə heç nə sığışmır, orada heç lazım da olmur. Sağkən insanlar o otelin yanından keçərkən ya rəhmət oxuyur, ya da lənətləyib, cəmdəyinə tüpürür. Sənə bu lazımdırmı ay Ramiz müəllim? Təkcə Azpolitikanın səhifəsinə baxsan görərsən ki, bir nəfər Allah bəndəsi tapılmadı ki, Sizinlə bağlı nəsə bir müsbət fikir bildirsin. Ola bilməz ki, bu fikirləri bildirənlərin hamısı pis insan olsun, təkcə Siz yaxşı. Demək, əsas problem elə Siz özünüzsünüz. İnsanın əməyinin məhsuldarlıq əmsalı müəyyən yaşa qədərdir, ona görə də insan müəyyən yaş həddinə çatanda dövlət onu pensiyaya göndərəndə ona mesaj verilir ki, bu qədər əziyyət çəkmisən, xalqa xidmət etmisən, indidə get dincəl, Allah nə qədər ömür veribsə pensiyandan yararlan, nəvə-nəticələrini başına yığ, onlarla əylən, onlarfın da xatirəsində yaxşı baba kimi qal. Allah saxlamış bəs nə vaxt dincələcəksən, heç bunu düşünmüsənmi? Güman edirəm ki, tövbə etməyin vaxtıdır. Allah böyükdür, öz bəndəsini bağışlamağı bacarır. Tövbə edin Ramiz müəllim. Rəhmətlik Hacı Əbdül də sağ deyil ki, bu prosedur qaydalarını Sizə izah etsin. Ramiz müəllim, həqiqi sözümdür, daşı ətəyinizdən tökün. Verilən yazılarda hərə bir fikir bildirir, birisi deyir onu Akademiyaya buraxmayaq, birisi deyir nümayiş edək. Görürsünüz ki, Akademiyanın böyük əksəriyyəti artıq Sizdən doyub, Sizdən üz döndərib, Siz isə dirəniş göstərirsiniz. Burada yenə atalarımızın sözü yadıma düşdü: səni sevəcəyəm, sən sevməsən də. Görürsünüz ki, artıq alimlərin Sizin sevginizə heç bir ehtiyacı qalmayıb. Bu gün ölkədə baş verən anormal nə varsa hamısı Sizinlə bağlıdır. Xadimədən tutmuş nazirə qədər təyin etdiyiniz adamlar Sizin dəsti-xəttinizi tutub elə bil ki, bu millətə qənim kəsiliblər. Pərpətöyün toxumu kimi bu kadrları elə yerləşdirmisiniz ki, neçə illər lazımdır ki, onların toxumu kəsilsin. Üzümü ölkə başçısına tuturam. Cənab Prezident, Ali Baş Komandan Siz özünüzə sağlığınızda böyük, əbədi heykəl qoydunuz. Xalq bu gün Sizə inanır, Sizə arxalanır, Sizə güvənir, güvənc yeri olasınız. Bu biyabırçılığa son qoymağınızı xahiş edirəm, nəhayət yalvarıram, Elmimiz əldən gedir, məhv olmaq təhlükəsi qarşısındadır. Bu xalq istedadlı xalqdır, yaradıcı xalqdır. Bu neçə ildə görməmişəm ki, hansısa elmi nailiyyətə nail olaq, demirəm Nobel mükafatı, heç olmasa tramvay altında qalmış bir mükafat olsun. İslahatlarla bağlı. Başlayaq elə Prezident Administrasiyasından. Administrasiyanın demək olar ki, 90-95% dincəlməyə göndərilməlidir (nəzərə alsaq ki, bunlar kimin kadrlarıdır), icra başılarına süpürgə çəkilməlidir, inzibati orqanlar yaman gündədir. Bütün bunlar vaxtında baş verməsə, onun ağrı-acısını hamımız çəkəcəyik.....
İsa Həbibi nədən unudursunuz?
Ramiz Mehdiyevi bax beləcə yıxıb sürümək lazımdır. El bir olsa dağ oynadar yerindən. Təşəkkürlər Musa Qasımlı.
Ay qardaş! Bu Ramız nə sırtıq, qaloş, padoş, həyasız..... adamdı .. AZərbaycan dilində söz tapmıram daha. Dur.... ol get də. Söyülməkdən həzz alırsan bədbəxt. Evdə nəvələrivin üzünə necə baxırsan....
Hörmətli Musa! Elton Quliyev kimi ləyaqətli və namuslu musavatçılar torpağın altındadırlar. Milli Məclisdə oturmayıblar, övladlarının yorğan davasını etmirlər. Az mənəm-mən de! 44 günlük müharibə dövründə xarici mətbuta hansı intervyüləri vermisən? Həmin dövrdə ABŞ-ın, Avropanın hansı tanınmış qəzet və ya jurnalında Azərbaycanın haqq səsini dünyaya yayan məqalələrin çap olunub? 44 günlük müharibə zamanı Ölkə Başçısından, Hikmət Hacıyevdən, Çingiz Abdullayev və Rauf Axundovdan başqa bir ziyalı da Azərbaycana qarşı aparılan təbliğat müharibəsinin qarşısına çıxa bilmədi. Bu faktdır! Təvazökar insan, özü haqqında sənin dediyin sözləri deyə bilməz!
Bəs SİZ NECƏ " deputat" oldunuz?
Eh dünya!