“BU, RUSİYANIN HƏLAK OLMASINA GƏTİRƏCƏK...” – Solovyov da “qanmağa” başlayıb + VİDEO
“Rusiya ordusu indiyə kimi bir dənə də böyük şəhər götürməyib. Xerson, o da ki... İki həftə keçib, bir dənə də şəhər götürməyiblər. Heç bir şəhərdə hakimiyyət dəyişməyib”.
“AzPolitika.info” xəbər verir ki, bunu Kremlin əsas təbliğatçılarından biri olan Vladimir Solovyovun verilişində israilli ekspert Yakov Kedmi deyib.
Qeyd edək ki, bu veriliş Solovyovun “youtube” kanalı bağlanmazdan öncə son verilişi olub və Rusiyanın Ukraynaya qarşı işğalının 13-cü günündə yayımlanıb.
Əslində, Solovyovun verilişinə tez-tez dəvət edilən Yakov Kedminin özü də çoxdan Kremlin təbliğat maşınının vintciklərindən birinə çevrilib. Lakin bir neçə gün əvvəl o, belə danışmırdı və rus ordusunu tərifləyirdi. İndi isə Rusiyanın Ukraynadakı uğursuzluğu onu da hövsələdən çıxardığı üçün Rusiya rəhbərliyini qınamağa başlayıb: “Baş verənlər hazırda Ukrayna şəhərlərində hakimiyyəti daha da gücləndirir. Əgər şəhərləri götürməklə bağlı taktika və niyyət, həvəs yoxdursa, əməliyyatı başlamaq mənasız idi. Hakimiyyət şəhərlərdədir. Şəhərlərin arasında, şəhər ətrafında yox. Bütün bunlar cavabı olmayan suallar yaradır. Situasiyanı bu gün belə görürəm”.
Solovyov cavabında etiraf edib ki, Rusiya artıq bütün dünyanın gözündə şeytan sifətindədir: “Bununla yanaşı biz onsuz da cəhənnəmdən gələn şeytan hesab edilirik. Artıq məlumdur ki, Qərb bizə uzun müddət nifrət edəcək. Bu müharibəni udmaya, yəni “əməliyyatı” elan olunmuş hədəfə çatdırmaya bilmərik. Yoxsa bu, sonda Rusiyanın həlak olmasına gətirəcək”.
Kedmi isə deyib ki, əgər yaxın günlərdə Odessa alınmasa, “əməliyyat” öz əhəmiyyətini itirəcək: “Mən anlamıram ki, bu, nəyə gərək idi. Əgər hər şey Krımın, yaxud Luqanskla Donetskin tanınması üçün idisə... Bu vilayətləri iki həftədir ki, azad edə bilmirlər. Slavyansk belə azad edilməyib. İki həftəyə Lvova çatmaq olardı. Krımın tanınması üçün əməliyyata başlamaq? Krımın tanınması, sonra nə? Rusiyaya qarşı heç bir sanksiya ləğv olunmayacaq... Zelenskinin Krımı tanınmasına nail olmaq üçün 500 əsgər və zabiti güdaza vermək lazım idimi?...”
Solovyov isə hazırda Ukraynada baş verənlərdən məyusluğunu gizlədə bilməyib: “Onsuz da əhvalım ağırdır, sən də bu pessimistliyinlə məni daha da kədərləndirirsən”.
“AzPolitika.info”
AzPolitika TikTokda:
Şərhlər
Bizim Xalqın, Millətin, Dövlətin 1 №-li düşməni bu salaveyçikdir...
Bu rus tarakanı öz verilişlərinin birində dedi ki, bütün azərbaycanlılar eşitsin, Qarabağ heç vaxt Azərbaycanın olmayacaq. Onda biz od tutub yanırdıq. İndi düşmənin dərdə düşməsi mənə necə də ləzzət edir. Murdar erməni nökərinə demək istəyirəm.- Nooldu tarakan?
Hər bir varlığı sonu olduğu üçün bütün imperiyaların da sonu olub. İndi də Rus imperiyasının sonu yaxınlaşır bəlkə də sondur
Çaqqalın dal ayağı.
Müharibənin əsas təşkilatçısı Narışkindir.
Ən maraqlı məqam ondan ibarətdir ki, bunlar hələ də Rusiyanın itkisinin 500 nəfər olduğunu deyirlər. Guya bilmirlər ki,itkilərin sayı 12 mindir.Xarkovda Rusiya ruslarla vuruşur, rusların başına bomba tökur.
Ermənipərəst solovyov Azərbaycanın 1№-li düşmənidir Nə vaxtdan onun sözləri bizim üçün əhəmiyyət kəsb etməyə başlayıb hörmətli KİV
Solovyovun 2 villası İtaliyada müsadirə olunub, ona görə itə dönüb
Rusiyanın sonunu ele yehudilerle ,ermeniler getirecek.Türkdilli xalqlarsa son akkordlatı buracaq.Onda da Putin be Şoyqu müellimler rahat 25-26 yaşlı “qeneral” qızlarala «Частушка» oynaya bilerler ve “Güclü” rus Ordusunun “Qelebesini qeyd edreler.