“ERMƏNİSTANI ÇƏTİN VƏ AĞRILI QƏRARLAR GÖZLƏYİR” - "Bəli, bu, Ermənistanın kapitulyasiyasıdır"
“Ermənistanı çətin və ağrılı qərarlar gözləyir, həm Azərbaycan, həm də Türkiyə ilə müqavilələr imzalamalı olacaq”.
“Report” xəbər verir ki, bu fikri Ermənistanın ictimai televiziyasına müsahibəsində bu ölkənin sabiq dövlət başçısı - birinci prezidenti Levon Ter-Petrosyan deyib.
“Bu, heç kimə xoş gəlmir, lakin elə an gələcək ki, başqa seçim olmayacaq”, - Ter-Petrosyan bildirib.
Onun sözlərinə görə, əgər rəsmi Bakı və Ankara ilə problemlər həll olunmasa, tezliklə Ermənistan dövlətçiliyinin mövcudluğu təhlükə altına düşəcək.
Eyni zamanda, sabiq prezident Azərbaycanla mümkün sülh müqaviləsinin imzalanmasını Ermənistanın kapitulyasiyası adlandırıb.
O, xatırladıb ki, tarixdə Ermənistandan qat-qat güclü dövlətlərin təslim olması halları çox olub. Bu kontekstdə keçmiş prezident Yaponiyanı misal çəkib.
"Dünyada elə bir qonşu ölkə yoxdur ki, onlar arasında sülh sazişləri imzalanmasın. Bəli, bu, Ermənistanın kapitulyasiyasıdır", - Ter-Petrosyan bildirib.
Onun sözlərinə görə, Paşinyanın yerinə gələcək hər kəs, yəqin ki, daha xoşagəlməz sənədə imza atacaq.
Şərhlər
tək ağıllı erməni--təssüf ki ermənidir-hər bir halda azərbaycan onun haqlı olduğunu daha bir daha sübut etməlidir--necə-daha güclü silahlanma--daha bahalı dağıdıcı silahlar--bunlar itmilçəyi bir şeydilər--ancaq və ancaq milçəkqıranla vurulduqdan sonra yerlərində qalırlar--
Ter-Petrosyan ermənistanda yeganə vəziyyəti tam obyektiv analiz etmiş bir partiya rəhbəridir.