“QARABAĞ ARTIQ ERMƏNİSTANIN NƏZARƏTİNDƏ DEYİL” – "Biz başqa yerlərdə qəbul edilən qərarları icra edirik”
“Köhnə dünya düzəni dağılır və onun dağıntıları altında qalmamaq vacibdir”.
“Report” “Sputnik-Armeniya”ya istinadən xəbər verir ki, bunu Ermənistanın baş naziri Nikol Paşinyan “Vətəndaş müqaviləsi” partiyasının VI qurultayında deyib.
Onun sözlərinə görə, hakimiyyətə gəldikdən sonra dövlətçiliyin əsaslarını bərpa etməyə çalışıb: “Lakin tədricən başa düşdüm ki, 30 il ərzində əvvəlki hakimiyyət bu sütunları dağıdıb və bunları müstəqillik bəyannaməsində qeyd olunan müddəalardan ayırıb”.
N.Paşinyan bildirib ki, 44 günlük müharibə və nəticələri onun üçün əsas və ən qlobal problemə çevrilib: “Bizim üçün Qarabağı danışıqlar prosesinə danışıqlar aparan tərəf kimi cəlb etmək vacib idi. Lakin məlum oldu ki, bu, artıq Ermənistanın nəzarətində deyil, çünki biz başqa yerlərdə qəbul edilən qərarları sakitcə icra edirik”.
Ermənistanın baş naziri öz silahdaşlarını cəsarətli olmağa çağırıb və etiraf edib ki, Ermənistanın dağılan dünya düzəni şəraitində dövləti və dövlətçiliyi qorumaq üçün yeni strategiya, yeni baxışa ehtiyacı var.
Şərhlər
Adam etiraf edir ki,biz Azərbaycanla danışıqlara ermənistan tərəfi kimi gedirdik,lakin sonradan məlum etdik ki,bizim əvəzimizə başqaları,yəni Qərb və Rusiya danışır Azərbaycanla.Daha doğrusu nə danışmaq lazım olduğunu bizə deyirlər,biz də "başqa yerlərdə qəbul edilən həmin qərarları sakitcə icra edirik".Bu kadar net yani.