LİDERLƏRİN 4 MÜHÜM MESAJI - Politoloq Ankarada verilən tarixi qərarları açıqladı + VİDEO

`"Azərbaycan və Türkiyədə hər seçkidən sonra ilk qarşılıqlı rəsmi səfərlərin Ankara və Bakıya edilməsi ənənə halını alıb. Azərbaycan Prezidenti İlham Əliyevin seçkidən sonra Türkiyəyə budəfəki səfəri də əhəmiyyətli idi".

"AzPolitika.info" xəbər verir ki, bunu politoloq Elxan Şahinoğlu bildirib.

Ekspert bir neçə mühüm məqama diqqət çəkib:

"Birincisi, liderlər iki ölkə arasında ticarət mübadiləsinin həcminin 15 milyard dollara çatdırılmasının vacib olduğunu bir daha bildirdilər. Bu həm də görüşdə iştirak edən nazirlərə tapşırıq idi ki, ticarət həcminin artırılması üçün zəruri tədbirlər görsünlər. Bundan başqa Ankaradakı görüşdə Naxçıvan üçün iki vacib layihənin – Qars-Naxçıvan dəmiryolunun və İqdır-Naxçıvan qaz boru xəttinin reallaşma mərhələsində olduğu xatırladıldı.

İkincisi, Azərbaycan-Türkiyə Universitetinin yaradılmasının sürətləndirilməsi vacibliyi vurğulandı. Fransa ilə münasibətlərimiz gərgin olduğu halda Bakıda Fransa-Azərbaycan Universiteti fəaliyyət göstərdiyi halda paytaxtımızda qardaş və müttəfiq Türkiyə adına Universitetin yaradılması zəruridir.

Üçüncüsü, liderlər hərbi texniki əməkdaşlığın genişləndirilməsi barədə fikirlər səsləndirdilər. Bu sahədə ortaq istehsalın fəaliyyətə başlamasına az qalıb. İlham Əliyev Ankarada “Azərbaycan ordusu Türkiyə ordusunun kiçik modeli halında inkişaf edir” cümləsini təkrarlamağı da unutmadı.

Dördüncüsü, İlham Əliyev Türk Dövlətləri Təşkilatının iyul ayında Şuşa keçiriləcək qeyri-rəsmi zirvə toplantısına Kuzey Kıbrısın da müşahidəçi qismində dəvət olunacağını bildirdi. İlham Əliyev türkiyəli həmkarı Rəcəb Tayyib Ərdoğanın Kuzey Kıbrısın türk ailəsində yer alması siyasətinə dəstəyini artırıb. Ancaq bu azdır, Mərkəzi Asiya ölkələrinin də Kıbrsa dəstəklərinin artırılmasına ehtıyac var".

E.Şahinoğlunun sözlərinə görə, İlham Əliyevin Ankarada söylədiyi kimi, iki ölkə arasında müttəfiqlik keçmiş illərdə də mövcud olub, İkinci Qarabağ müharibəsi və ondan sonrakı dövrdə müttəfiqlik daha üst səviyyəyə çatıb: "Bunu bölgədə müxtəlif maraqları olan dövlətlər də qəbul etmək məcburiyyətindədirlər. Həmin dövlətlər anlayırlar ki, Azərbaycana təhlükə yaradacaqları halda qarşılarında Türkiyəni də görəcəklər. Bu Azərbaycanın təhlükəsizliyinin gücləndirilməsi baxımından əhəmiyyətlidir".

Rasim Əliyev

"AzPolitika.info"


635x100

Şərhlər

Veteran 2024-02-20 21:21:45

Allah Qüvvət Versin !

Qrek Zurəlizadə 2024-02-20 10:34:21

Quzey Kipriz Türkiyənin *qoltuğu altında* tarixi ərazisi olduğu üçün onları da dəvət etmək olardı? Xaçlanmış Zorban əqidəsini işrət və gücə dəyişsə də, həqiqi tarixin gerçəkləri təzahür etməkdədir.

Bəhlul Danəndə 2024-02-20 09:29:50

A Hər hansı iki dövlət arasında ticarət adətən yüksələn olur. B Fransa, ya Türkiyə hər Universitet mədəni-tarixi irsi və mütərəqqi texnoloji elmi qavratma öhdəliyi daşıyır! C Qafqaz Türkiyəsindən varisi Azərbaycana qalmış ərazisinin çox hissəsi digərlərinə, xüsusən 1796cı ildən gəlmə *Qrikori*an qruplaşmasına verilsə də, sonrakı işğallar hərbi müdafiəni zəruri edir? D Ana dil, uzun tarixi soy kök mədəni-elmi tələbatdır.

Son yazılar