PAŞİNYANDAN İŞĞALDAKI 8 KƏNDİMİZLƏ BAĞLI HƏYASIZLIQ - "Ermənistanda olan Ermənistandır..."
“Tavuş bölgəsində heç bir kəndin təslim edilməsindən söhbət belə getməyib və ola da bilməz”.
Bu barədə Ermənistanın baş naziri Nikol Paşinyan bu gün çağırılan mətbuat konfransında Azərbaycanın 4 kəndinin geri qaytarılması ilə bağlı tələblərinə toxunaraq bildirib.
“Tavuş bölgəsində heç bir kəndin təslim edilməsi ilə bağlı heç vaxt müzakirə olmayıb və ola da bilməz. Azərbaycan mətbuatında kəndlərin adları açıqlananda Ermənistan Respublikası ərazisində nəinki sovet dövründə, hətta ondan sonra da belə adda kəndlər olmayıb”, - deyə, Paşinyan növbəti dəfə həyasızcasına yalan danışıb.
Nikol Paşinyan hələ də işğal altında olan 8 kəndimizi sülh yolu ilə qaytarmaq niyyətində olmadığını bəyan edib.
“Beynəlxalq sazişlərə görə, Sovetlər İttifaqı dövründə mövcud olan inzibati sərhədin o tayında olan şərti olaraq Azərbaycandır, bu tərəfdə olan Ermənistandır. Delimitasiya prosesində biz çalışmalıyıq ki, bu sərhədi hansısa formatda təkrar edək. Biz de-yure reallıqdan çıxış etməliyik. Ermənistanda olan Ermənistandır, Ermənistanda olmayan Ermənistanın deyil”, - deyə Paşinyan qeyd edib.
Qeyd edək ki, görünür, vaxtı ilə Laçında yallı gedib "Qarabağ Ermənistandır" deyən Paşinyan Azərbaycan ordusunun başına endirdiyi zərbəni unudub. Yadına salmaq lazım gələcək!
"AzPolitika.info"
Şərhlər
"Azpolitika" olaraq kollektiv şəkildə gedərsiniz müharibəyə. Qarabağda çox məskunlaşdıq, qaldı 8 kənd.
Rusiya və Ermənistanın ayrılmasına qalan Siyasi dünya inansa da, onları özünə qarşı 227 il görmüş Azərbaycan və Türkiyə aldanmalı deyil? Məgər, *Qərbi Azərbaycan*lıları və Ermənistan ərazisinin yarısından çox Azərbaycan ürəyinin baş ərazisini Erməni (daşnaq) faşizmi genosid terroru ilə vurub 33 il işğalda saxlamadımı? Azərbaycan isə nəinki, başı Ermənistanın bir qarış ərazinə belə tounmayıb!