ABŞ Prezidenti Donald Trampın administrasiyası ötən həftəsonu ABŞ-nin İranın nüvə obyektlərinə zərbələrindən sonra Tehrandan cavab tədbirləri gözləyirdi və Prezident Vaşinqtonun regional münaqişələrə hərbi müdaxiləsinin gücləndirilməsini istəmir.
“Report” CNN-ə istinadən xəbər verir ki, bu barədə Ağ evin nümayəndəsi bildirib.
“Biz bilirdik ki, onlar cavab verəcəklər. Süleymani hadisəsindən sonra onların oxşar cavabı olmuşdu”, – rəsmi şəxs 2020-ci ildə ABŞ-nin hava zərbəsi nəticəsində öldürülmüş İran komandiri Qasım Süleymanini nəzərdə tutaraq qeyd edib.
Rəsmi şəxsin sözlərinə görə, Prezident Donald Tramp, lazım gələrsə, ABŞ-nin hərbi müdaxiləsini gücləndirməyə hazırdır. Tramp bazar ertəsi günorta milli təhlükəsizlik nümayəndələri ilə danışmalı idi və onun mövqeyinin dəyişməsi tamamilə mümkündür.
Şərhlər