ABŞ Milli Qvardiyası qüvvələri Vaşinqton küçələrində peyda olub.
APA ABŞ mediasına istinadən xəbər verir ki, onların sayının 800-ə qədər olduğu ehtimal edilir.
Əlavə olaraq, 500-ə qədər federal hüquq-mühafizə orqanı əməkdaşının da Milli Qvardiyaya dəstək olacağı gözlənilir.
Qeyd edək ki, ABŞ prezidenti Donald Tramp Milli Qvardiya qüvvələrinin Vaşinqtonda artan cinayət halları və qeyr-qanuni immiqrasiyaya qarşı mübarizə üçün səfərbər edildiyini bildirib.
Vaşinqton meri Muriel Bouzer isə şəhərdə cinayət hallarının nəzarət altında olduğunu bəyan edib və Trampın bu qərarını avtoritarlıq adlandırıb.
Şərhlər