Suriya ordusuna inteqrasiya olunması gözlənilən və özlərini SDG (Suriya Demokratik Qüvvələri) adlandıran YPG/PYD terror təşkilatları üzərinə götürdüyü öhdəlikləri yerinə yetirməməsi bölgədə gərginliyin artmasına səbəb olub.
"AzPolitika" xarici KİV-ə istinadla xəbər verir ki, Şam hökuməti əməliyyat hazırlıqlarına başlayaraq, Rakka və Deyr əz-Zordan YPG/PYD terorçularından təmizləmək üçün 50 min əsgər göndərib.
Məlumata görə, əməliyyatın məqsədi terorçuları bölgədən çıxarmaqdır.
Xatırladaq ki, martın 10-da Suriya hökuməti ilə PKK-nın Suriya qolu olan YPG/PYD arasında razılaşma imzalanmışdı. Həmin sənədə əsasən, YPG/PYD-yə bağlı silahlı qrupların Suriya ordusuna inteqrasiya olunması nəzərdə tutulmuşdu. Lakin ötən müddətdə YPG/PYD bu şərtlərə əməl etmədiyi kimi, əks addımlar atmağa davam edib.
Qərb mətbuatında yayılan məlumatlarda həmçinin qeyd olunur ki, amerikalı rəsmilər YPG/PYD rəhbərliyini xəbərdar edərək, Suriya hökuməti hücuma keçəcəyi təqdirdə beynəlxalq koalisiyanın onları qorumaq imkanının olmayacağını bildiriblər.
Məlumatlarda o da qeyd olunur ki, bölgədəki terrorçu qruplara qarşı çıxan ərəb tayfaları əməliyyata dəstək göstərəcək. Bildirilir ki, YPG/PYD-nin tərkibindəki 70 min silahlının təxminən 30 faizi ərəb əsillidir. Ekspertlərin fikrincə, əməliyyat başladığı halda bu döyüşçülərin də Suriya ordusunun tərəfinə keçməsi mümkündür.
"AzPolitika.info"
Şərhlər