Moskva səfərindən sonra Ermənistanın baş naziri Nikol Paşinyan Zəngəzur dəhlizi ilə bağlı ritorikasını kəskin şəkildə sərtləşdirib.
"AzPolitika" xəbər verir ki, bunu sabiq xarici işlər naziri Tofiq Zülfüqarov bildirib.
O qeyd edib ki, Paşinyan layihənin reallaşmamasına görə günahı Azərbaycanın üzərinə atmağa çalışır.
Tofiq Zülfüqarovun sözlərinə görə, əslində Vladimir Putin Paşinyana ABŞ Prezidenti Donald Trampın təşəbbüsü olan layihə ilə bağlı addım atmağa icazə verməyib.
O bildirib ki, Ermənistanın Avropa İttifaqına üzvlüklə bağlı müzakirələri və Moskva ilə “uzaqlaşma” görüntüsü sadəcə imitasiya xarakteri daşıyır: “Paşinyan bu ilin 9 mayında Moskvada keçirilən Qələbə Paradının fəxri qonağı olub və gələcəkdə də “Засланный казачок” (gizli şəkildə kiminsə tapşırığını yerinə yetirən, başqa tərəfin maraqlarını qoruyan adam - red.) funksiyasını sadiqliklə yerinə yetirəcək”.
Onun fikrincə, Ermənistan baş naziri yalnız Zəngəzur bölgəsində sərhədlərin delimitasiya və demarkasiyası məsələsinə maraq göstərir.
Şərhlər
Cənab sabiq XİN, siyasət ən asan görünən ən məsul, kəskin rəqibi-*əfi ilanı ovsuna* çağıran düşüncə-diplomatiya deyilmi? Ehtimal səbəbi MDB daxili *Qarabağ həlli* əvəzinə ABŞ görüşünə qarşı hərbi toqquşma rəsmi İrəvana mülayim Avropa İttifaqı və *Qərb*ə yönəlmə DƏRSİ vermədimi?
Konyunktura ...və deqradasiya. Bariz nümunə.