Ukraynanın cənubunda vəziyyət son sutkada daha da ağırlaşıb.
Bu barədə Ukrayna Müdafiə Qüvvələrinin Cənub Komandanlığının nümayəndəsi Vladislav Voloşin telemarafon efirində məlumat verib.
Onun sözlərinə görə, cəbhə xəttinin bir sıra sahələrində vəziyyət kəskinləşib və düşmən hücumlarının intensivliyi artır.
Voloşin bildirib ki, Aleksandrov istiqamətində Ukrayna müdafiəçiləri gün ərzində düşmənin 12 hücumunu dəf ediblər. Döyüşlər Yalta, Orestopol, Yeqorovka, Pervomayskoye və Rıbnoye yaşayış məntəqələri yaxınlığında baş verib. Oxşar gərginlik Orexov xəttində də müşahidə olunub. Burada Rusiya ordusu Malaya Tokmaçka, Stepnoye, Şçerbakov, Malıye Şçerbakı, Primorskoye, Stepnoqorsk və Plavni istiqamətlərində ümumilikdə 12 dəfə hücuma keçib, lakin bütün cəhdlər Ukrayna qüvvələri tərəfindən uğurla dayandırılıb.
Rəsmi məlumatlara əsasən, Ukrayna ordusu son sutkada cənub bölgəsində təxminən 300 rus işğalçısını zərərsizləşdirib.
"AzPolitika.info"
Şərhlər