Şimali Koreya lideri Kim Çen In İsraili hədəf alan sərt açıqlamalar verib.
Şimali Koreya lideri İsraili qanuni dövlət kimi tanımadıqlarını təkrarlayaraq, ölkəni "ABŞ-nin dəstəklədiyi terror layihəsi" adlandırıb.
Kim Çen In İsrailin Yaxın Şərqdə ABŞ-nin maraqlarını irəli sürmək üçün istifadə edilən bir vasitə olduğunu iddia edib. O, Vaşinqtonun regional siyasətini İsrail vasitəsilə həyata keçirdiyini bildirib. O, Pxenyan administrasiyasının 1948-ci ildən bəri İsraili tanımadığını təkrarlayıb. Şimali Koreya Fələstin məsələsinə tarixi dəstəyini və İsrailin hərbi əməliyyatlarını davamlı olaraq pislədiyini vurğulayıb.
Bu barədə Pxenyan Xarici İşlər Nazirliyi də açıqlama yayıb.
Bəyanatda İsrailin fələstinlilərə hücumları "insanlığa qarşı cinayətlər" kimi qiymətləndirilib və Qəzzadakı hadisələr beynəlxalq ictimaiyyətin diqqətinə çatdırılıb. Mətndə sadəcə qınamanın kifayət etmədiyi bildirilib və məsul dövlətlərə və şəxslərə qarşı beynəlxalq səviyyədə konkret addımlar atılmalı olduğu mesajı verilib.
Bəyanatda illərdir İsrailə verilən cəzasızlığın və beynəlxalq hüququn seçmə tətbiqinin ciddi nəticələrə səbəb olduğu qeyd edilib. Cənubi Afrika, Tunis və Malayziyanın İsrailin Qəzzaya hücumlarını soyqırım kimi qiymətləndirdiyi xatırladılıb.
"AzPolitika.info"
Şərhlər