İsrail ABŞ-nin maliyyə dəstəyindən imtina etməyə hazılaşır.

"Azpolitika" xəbər verir ki, bununla bağlı İsrail hökumətinin planlarını Baş nazir Benyamin Netanyahu açıqlayıb.

Netanyahu deyib ki, Amerika yardımından imtina etmək istəyir: 

"Bu, sosial yardım kimidir. Mən bunu istəmirəm".

Baş nazirin sözlərinə görə, o, İsrailin on il ərzində ABŞ-dən asılılığını tədricən azaltmasını istəyir.

Netanyahu bu istəyi İsrail iqtisadiyyatının uğuru ilə əlaqələndirib. 

O qeyd edib ki, ABŞ-ın maliyyələşdirməsi ÜDM-in yalnız kiçik bir hissəsini təşkil edir, İsrail isə artıq yalnız öz resurslarına güvənmək üçün kifayət qədər maliyyə imkanlarına malikdir.