Akademik M.Ə.Mirqasımov adına Respublika Klinik Xəstəxanasının (Respublikanski) maliyyə işləri üzrə direktor müavini Mirsalam Səmədov vəzifəsindən azad olunub.
"AzPolitika" Qayanrinfo-ya istinadla xəbər verir ki, bununla bağlı Tibbi Ərazi Bölmələrini İdarəetmə Birliyinin (TƏBİB) sədri Anar Bayramov əmr imzalayıb.
Anar Bayramovun digər əmri ilə Sənan Qəməbərli Respublika Klinik Xəstəxanasına maliyyə işləri üzrə direktor müavini təyin edilib.
Qeyd edək ki, Sənan Qəmbərli bundan əvvəl Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunda (DSMF) çalışıb. Vəzifəsindən azad olunan Mirsalam Səmədov isə İcbari Tibbi Sığorta üzrə Dövlət Agentliyinin Təchizat və Satınalma şöbəsinin müdiri, 2024-cü ildən Respublika Klinik Xəstəxanasının maliyyə işləri üzrə direktor müavini vəzifəsini tutub.
Şərhlər