Anar Məhərrəm oğlu Bayramov Azərbaycan Respublikasının səhiyyə naziri təyin edilib.
"AzPolitika" xəbər verir ki, bununla bağlı Prezident İlham Əliyev Sərəncam imzalayıb.
Qeyd edək ki, dövlət başçısının Fərmanına əsasən TƏBİB Səhiyyə Nazirliyinin tabeliyinə verilib. Səhiyyə naziri Teymur Musayev vəzifəsindən azad edilərək, baş nazirin müavini təyin edilib.
Qüyd edək ki, Anar Bayramov 1975-ci ildə Bakı şəhərində anadan olub. Azərbaycan Tibb Universitetində ali tibb təhsili alıb, daha sonra Azərbaycan Dövlət İqtisad Universitetində təhsilini davam etdirib. O, 2003-cü ildə tibb üzrə fəlsəfə doktoru elmi dərəcəsi alıb.
Əmək fəaliyyətinə 1998-ci ildə “MediClub” klinikasında həkim kimi başlayıb. 2002-ci ildən “A-Group” Sığorta Şirkətində müxtəlif vəzifələrdə çalışıb, sonradan şirkətin baş direktoru və İdarə Heyətinin sədri olub.
Anar Bayramov 2021-ci ildə Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri təyin edilib. Daha sonra əmək və əhalinin sosial müdafiəsi nazirinin müavini vəzifəsində çalışıb.
2026-cı il aprelin 14-də TƏBİB-in icraçı direktoru təyin olunub.
Qeyd edək ki, Anar Bayramov tibbi sığorta, səhiyyə xidmətlərinin təşkili və sosial müdafiə sahələrində fəaliyyət göstərib.
"AzPolitika.info"
Şərhlər