Baxiş sayı:
Dərc olunub:
08/09/2015 - 20:49
Bölmə: Video
Hakkari vilayətinin Dağlıca bölgəsində 16 əsgərin şəhid olduğu terror aksiyasından sonra yoxa çıxmış türk xüsusi təyinantlıları ilə bu gün əlaqə yaratmaq mümkün olub.
APA-nın “İhlas” xəbər agentliyinə istinadən verdiyi xəbərə görə, şəhid dostlarının intiqamını almaq üçün ratsiyaları söndürən xüsusi təyinatlılar əməliyyat keçirərək, 73 terrorçunu çəhv ediblər.
Xüsusi təyinatlılar daha 25 terrorçunu isə sag ələ keçiriblər.
Hadisə ilə bağlı yayılmış açıqlamada bildirilir: “Kimsə itməmişdi. Sadəcə, xüsusi təyinatlılar ratsiyalar bağlamışdı. “Geriyə dönün” əmri almamaq üçün dünən gecədən yağışlı, dumanlı havada bu gün səhər saatlarına qədər sadəcə 12 nəfərlik xüsusi təyinatlı qrup yüzlərlə terrorçu ilə vuruşdu. 73 terrorçu öldürülüb, 25 nəfər isə sağ ələ keçirilib”.
Sentyabrın 6-da axşam İraqla həmsərhəd Hakkari vilayətinin Yüksəkova rayonunun Dağlıca kəndi ərazisində Türkiyə Silahlı Qüvvələrinə məxsus zirehli hərbi texnikanın hərəkəti zamanı yola basdırılmış təxminən 400 kq C-4 tipli partlayıcı maddə terrorçular tərəfindən partladılıb. İlkin məlumatda hadisə nəticəsində 15-dən çox əsgər və zabitin həlak olduğu açıqlanıb. Hadisədən sonra Türkiyə Hərbi Hava Qüvvələrinə məxsus təyyarələr PKK mövqelərini bombalayıb.
Türkiyə Silahlı Qüvvələrinin Baş Qərargahı PKK terrorçularının ötən gecə Hakkari vilayətində törətdiyi terror hadisəsi zamanı şəhid olanların sayını da açıqlayıb. Silahlı Qüvvələrin Baş Qərargahının açıqladığı məlumatda bildirilib ki, hadisə zamanı 16 hərbçi şəhid olub, 6 nəfər isə yaralanıb.
Türkiyə Silahlı Qüvvələrinin bu hadisədən sonra başladığı əməliyyat hələ də davam edir.
Şərhlər
Hər hansısa bir şərh yazılmayıb.