Bu ilin ilk iki ayı ərzində Rusiyanın dövlətə məxsus "Gazprom" şirkətinin gəlirləri 70 faiz azalıb.
Rusiya Federal Gömrük Xidməti aprelin 7-də bildirib ki, "Gazprom"un ixrac gəlirlərindəki azalma yanvar-fevral aylarında 7.4 milyard dollara bərabər olub.
Belə ki, ötən ilin ilik 2 ayında ixrac 37.4 milyard kubmetr olubsa, bu il bu rəqəm 27.5 milyard kubmetrə düşüb. Bunun da 18.7 milyard kubmetri MDB ölkələrindən xaricə, qalanı MDB daxilinə gedib.
Ötən ilin yanvar-fevralında qazın min kubmetri 334 dollar idisə, bu ilin həmin dövründə qiymət 269 dollar olub.
Aprelin 8-də prezident Vladimir Putinin "Gazprom" rəhbəri Aleksey Miller ilə görüşəcəyi bildirilir. Rusiya prezidentinin sözçüsü Dmitri Peskov deyib ki, görüşdə “qaz məsələləri müzakirə olunacaq, ancaq onları açıqlamaq fikrində deyiləm” ("Azadlıq" radiosu).
Şərhlər