“AzRe Təkrarsığorta” ASC “Çartis Azərbaycan Sığorta Şirkəti” ASC-nin səhmlərinin 100%-ni alınmasına 6,5 milyon manat investisiya yatırıb.
Bunu “Marja”ya “AzRe Təkrarsığorta” ASC-nin İdarə heyətinin sədr müavini Vüsal Abbasov bildirib.
O deyib ki, hazırda şirkətin yenidən fəaliyyətini qurmaq üçün strategiya hazırlanır. Şirkət daha çox korporativ müştərilərə fokuslanacaqdır.
Vüsal Abbasov qeyd edib ki, “Çartis Azərbaycan Sığorta Şirkəti” ASC-nin adının dəyişdirilməsi gündəmdədir.
Qeyd edək ki, 30 sentyabr 2015-ci il tarixində “AzRe Təkrarsığorta” ASC “Çartis Azərbaycan Sığorta Şirkəti” ASC-nin səhmlərinin 100%-ni almışdır.
“Çartis Azərbaycan Sığorta Şirkəti” ASC qabaqcıl beynəlxalq sığorta şirkətlərindən olan American International Group, Inc. (AIG Inc.) şirkətinin törəmə cəmiyyəti kimi 15.01.1999-cu ildə təsis olunmuşdur.
Şərhlər