Xarici KİV-in məlumatına görə, «İslam dövləti» terrorçu qruplaşması ilə mübarizə üzrə ABŞ siyasətinin koordinatoru Con Allen İraqın baş naziri Haydar əl-Abadiyə bəyan edib ki, Vaşinqton Bağdadla Moskvanın yaxınlaşmasından narahatlıq keçirir (Rosbalt).
«Con Allen Haydar əl-Abadini məlumatlandırıb ki, Vaşinqton İraqın Rusiya ilə alyans yaratamasından narahatdır və deyib ki, ABŞ prezidenti Barak Obama (İŞİD-lə mübarizədə - red.) onun rolu ilə maraqlanır. Məgər İraq ABŞ-a minnətdar olmalı deyil?»-deyə, Londonda nəşr olunan «Əş-Şərq əl-Ausat» ümumərəb qəzeti sitat gətirir.
Bundan əvvəl əl-Abadi bəyan edib ki, o, ABŞ-ın başçılıq etdiyi koalisiyanın «İslam dövləti» qruplaşmasına qarşı apardığı mübarizədən məyusluq hissi keçirir. Əl-Abadi qeyd edib ki, bu mübarizə Rusiyanın və İranın da iştirak edəcəyi geniş koalisiya tələb edir. Mənbənin məlumatına görə, Allen əl-Abadidən «Rusiya ilə əməkdaşlığı davam etdirməməyi» xahiş edib.
Qeyd edək ki, bundan əvvəl İraq ordusunun könüllülərdən ibarət qüvvələrinin komandiri Hassan əl-Sari bəyan edib ki, İraqın ordusu ölkə ərazisində və bölgədə «İslam dövləti» ilə mübarizədə Rusiyanın və İranın köməyini alqışlayır.
AzPolitika.info
Şərhlər