«AzPolitika.info»-nun xarici KİV-ə istinadla verdiyi xəbərə görə, Rusiya Federasiyası Xarici İşlər Nazirliyinin (RF XİN) rəsmi nümayəndəsi Mariya Zaxarova İraqın Mosul şəhərində yaranmış vəziyyəti qiymətləndirərkən, deyib: «Mosulda vəziyyət humanitar fəlakətə yaxınlaşır!»
«Mosulda humanitar fəlakətin yaxınlaşmasından danışmağın vaxtıdır. Şəhər ətrafında yaxın vaxtlarda gərginliyin azalmasından danışmağa əsas yoxdur. İraq qoşunları nəzarət zonasını genişləndirməkdə davam edir, güc strukturları 2 min ekstremistin məhv edilməsindən danışırlar. Mosulun özündə qoşunların hərəkəti böyük çətinliklə həyata keçirilir. Koalisiya tərəfindən endirilən zərbələr isə dinc sakinlərə baha başa gəlir» - deyə, Zaxarova qeyd edib.
«Humanitar vəziyyət davamlı şəkildə deqradasiya etməkdədir. BMT-nin məlumatına görə, şəhərdən və şəhərətrafı yaşayış məskənlərindən qaçanların sayı 70 min nəfərə çatıb. Əhalinin ərzaq ehtiyatı tükənmək üzrədir. Ən dəhşətlisi isə qarşıda duran qeyri-müəyyənlikdir...» - deyə, diplomat fikirlərini bölüşüb.
Bununla bərabər, Zaxarova onu diqqətə çatdırıb ki, qərbli həmkarlar «hələ də reallıqdan uzaq olaraq qalırlar».
Şərhlər