“Təcrübə göstərir ki, xaricdən ölkəyə informasiya təhlükələri mövcuddur və onlayn media bu təhlükələrə cavab verir. Amma bizim ölkədə onlayn mediaya ayrılan vəsait azdır”.
APA-nın məlumatına görə, bunu Mətbuat Şurasının sədri, deputat Əflatun Amaşov Milli Məclisin bu gün keçirilən iclasında 2018-ci il üzrə büdcə müzakirəsi zamanı deyib.
O qeyd edib ki, onlayn mediaya sistemli şəkildə vəsait ayrılmalıdır: “Onlayn mediaya 1 milyon manat ayrılsa, bunun bəhrəsini görəcəyik. Müharibə şəraitində olduğumuz üçün informasiya sahəsinə vəsait əhəmiyyətli dərəcədə artırılmalıdır”.
Ə. Amaşov informasiya ombudsmanının ayrıca qurum kimi fəaliyyətini zəruri hesab edərək bunu reallaşdırmağı təklif edib: “Bizdə informasiya ombusdmanı İnsan Hüquqları üzrə Müvəkkilliyinin (Ombudsman) tərkibində fəaliyyət göstərir. Səbəb olaraq deyirlər ki, ştat yoxdur. Hökumət üzvlərinin burada olmasından istifadə edərək soruşmaq istəyirəm ki, niyə ştat ayrılmır? Ombudsmanın fəaliyyəti hazırda göz önündədir. Hesab edirəm ki, bunu nəzərə alaraq informasiya ombudsmanı ayrıca fəaliyyət göstərməlidir”.
Şərhlər
MŞ-ı yaranan vaxta qədər tək-tük ``reket`` jurnalist var idi.Elə ki,MŞ-yarandə reket zurnalistlər ``ordusu`` yarandı.Ailə uğursuzluğuna düçar olanlar Azərbaycan Nəşriyyatının binasındakı mərtəbələri,otaqları özlərinə ``iş yeri`` düzəldib,``şığıdılar `` lox məmurların və səviyəsiz ``İş adamlarının`` qəbuluna...Azərbaycanda KİV -ri bax beləcə iflic oldu. Reket jurnalistlər Kəl kimi,Pul sel kimi.