Bakının Sabunçu rayonunda bıçaqlanma hadisəsi baş verib.
“Report” xəbər verir ki, Ramana qəsəbəsinin Şuşa şəhərciyində, qohumlarının evində qalan 2000-ci il təvəllüdlü Həsənov Kamal Ramiq oğlu dərsdən qayıdarkən bıçaqlanıb.
Ona naməlum şəxs tərəfindən 3 bıçaq zərbəsi vurulub.
Qohumlarının dediyinə görə, K.Həsənov Bakıdakı ali təhsil müəssisələrindən birinin tələbəsidir və onlarda müvəqqəti qalır.
Faktla bağlı Sabunçu Rayon Polis İdarəsinin 12-ci Polis bölməsində araşdırma aparılır.
Şərhlər
Yenə bıçaq hadisəsi.Deyəsən bizimkilər qorxaqlığa görə bıçaqsız keçinə bilmirlər.