Prezident İlham Əliyev “Qazax müəllimlər seminariyasının 100 illik yubileyinin qeyd edilməsi haqqında” sərəncam imzalayıb.
Sərəncamda deyilir ki, 2018-ci ilin noyabr ayında Qazax müəllimlər seminariyasının yaradılmasının 100 illiyi tamam olur.
Azərbaycan Xalq Cümhuriyyəti hökumətinin qərarına əsasən, Qazax müəllimlər seminariyasının təşkili Azərbaycanın maarif salnaməsinin ən parlaq səhifələrindəndir.
Görkəmli ədəbiyyatşünas, tanınmış maarifpərvər və ictimai xadim Firidun bəy Köçərlinin rəhbərliyi ilə fəaliyyətə başlayan Qazax müəllimlər seminariyası bütün fənlərin tədrisinin ana dilində mütərəqqi üsullarla aparıldığı yeni təhsil ocağı kimi Azərbaycanda elmin, maarifin və mədəniyyətin inkişafına misilsiz töhfələr verib. Respublikanın bölgələri ilə yanaşı, qonşu ölkələr üçün də uzun illər boyu yüksək ixtisaslı pedaqoji kadrlar hazırlamış seminariyanın yetirmələri sırasında adları təhsil, elm və mədəniyyət tarixinə həkk olunmuş çox sayda tanınmış simalar var.
Qazax müəllimlər seminariyası müstəqil Azərbaycan Respublikasının təhsil işçilərinə gənc nəslin azərbaycançılıq məfkurəsi ruhunda yetişdirilməsi üçün zəngin irs qoyub.
Sərəncamla Təhsil Nazirliyinə, Qazax Rayon İcra Hakimiyyətinin təklifləri nəzərə alınmaqla, Qazax müəllimlər seminariyasının 100 illik yubileyi ilə bağlı tədbirlər planı hazırlayıb həyata keçirmək; Nazirlər Kabinetinə bu sərəncamdan irəli gələn məsələləri həll etmək tapşırılıb.
Şərhlər
Hörmətli Cənab Prezident!Arxasız olduğumuza görə dövlətini, xalqını və Rəhbərini qəlbən sevən qüsursuz,peşəkar-rabitəçi,YAP olan həyat yoldaşımı başqa vəzifəyə keçirmək adı ilə qanunsuz işdən azad edərək işsiz qoydular? Bu səbəbli ünvanınıza saysız-hesabsız müraciət etməyimə baxmayaraq,müraciətlərim Sizə çatdırılmamış,RN-nə göndərilir? Rabitə Nazirliyi tərəfindən iş fəaliyyətini araşdırıb,tədbir görmək əvəzinə,qanunsuz cavab verməkdən kəçinmirlər,çünki mafiyanın gücü,qanunlarımızın gücündən çox-çox güclü ol
Hörmətli cənab Prezident! Uzun müddətdir ki,məmur özbaşnalığı nəticəsində başqa vəzifəyə keçirmək adı ilə qanunsuz işdən azad olunan,qüsursuz,peşəkar-maliyyəçi-rabitəçi olan ailəm ilə əlaqədar ünvanınıza saysız-hesabsız müraciətlər etməyimə baxmayaraq heç bir müsbət nəticəsi olmamışdır. Belə ki, Rabitə Nazirliyi tərəfindən müraciətlərim araşdırılıb tədbir görmək əvəzinə,qanunsuz cavab verməkdən kəçinmirlər ? Qeyri peşəkarlar yüksək vəzifə sahibidirlər,ancaq peşəkar,qüsursuz Rabitəçi işsizlik həyatı yaşayır?