“Azərbaycan vergi qanunvericiliyində vergidən yayınmanın qarşısının alınması ilə bağlı "vergi xəbərçiliyi" nəzərdə tutulub. Amma bununla bağlı mükafatlandırma mexanizmləri yoxdur”.
"Report" xəvər verir ki, bunu mətbuat konfransında Vergilər Nazirliyinin Vergi Siyasəti Departamentinin baş direktoru Samirə Musayeva deyib.
S.Musayevanın sözlərinə görə, gələcəkdə bununla bağlı mükafatlandırma tətbiq oluna bilər:
"Əgər vergi yayınması ilə bağlı məlumat daxil olarsa, dərhal yerində yoxlamalar aparılır. Amma mükafatlandırılma mexanizmi yoxdur. Bu sahə bizdə yeni olduğu üçün düşünürəm ki, gələcəkdə bu məsələ həllini tapa bilər".
Qeyd edək ki, vergidən yayınma hallarının qarşısını almaq məqsədilə ictimai məlumatlandırma (“Whistleblow”) mexanizmi beynəlxalq təcrübədə geniş tətbiq olunur. “Whistleblow” (fit verən) pozuntular barədə dövlət qurumlarına və ya ictimaiyyətə məlumat vermə deməkdir. “Whistleblower” isə pozuntu barədə məlumat verən şəxs deməkdir. Bu şəxslər həm də “İnformator” adlanırlar.
Şərhlər
Talançı rüşvətxor məmurlar özlərindən yuxarıya xoş getmək kreslo pul üçün nəyə desən qadirdirlər. Əhalini də istiyirlər xəbərçi kimi tərbiyə etsinlər. ...
Xalqı satqılnlığa yox, vətənpərvərliyə ,əxlaqa yönəltmək lazımdır.Satqınlıq kommunistlərin simvollarındandır.Ondan aralı durmaq,milli zəmində doğruluğun təminatı qurulmalıdır.Əgər nazirlər,məmurlar və digər dövlət yetkililəri oğurluq etməsə,xalqın haqqını tapdamasa satqınlığa ehtiyac qalmayacaq.İndi düşüblər jurnalistlərin üstünə ki rüşvət alırlar,reketlik edirlər.Amma bu reketliklə hər tərəfdə qarşılaşırıq.Həkimlər,hakimlər,məmurlar vəs.hamısı rüşvət alır.Özü də böyük-böyük rüşvət!Təəssüf ki görən yoxdur..