Burak Yılmaz “Trabzonspor”dan ayrılıb.
Qol.az xəbər verir ki, bunu futbolçunun atası Fikrət Yılmaz bildirib. O, “Qaradəniz” qəzetinə açıqlamasında oğlunun “Beşiktaş”la anlaşdığını deyib:
“Oğlum “Beşiktaş”la hərtərəfli razılığa gəlib. “Burak “Beşiktaş”da” yaza bilərsiniz. Burak “Trabzonspor” rəhbərliyi ilə son görüşündə klubdan alacağı 2 milyon avroya yaxın puldan imtina etdiyini bildirdi. Hər iki tərəf üçün xeyirli olmasını arzulayıram. Burak və mənim üçün “Trabzonspor”un yeri ayrıdır. Oğlum ayrıldığı üçün “Trabzonspor”la bağları qoparmayacağıq”.
Qeyd edək ki, 33 yaşlı hücumçu 2006-2008-ci illərdə də “Beşiktaş”da çıxış edib.
Şərhlər