Komitə sədri vətəndaşlara müraciət etdi – “Çox müsbət nəticə ala bilərik”

Milli Məclisin Təbii ehtiyatlar, energetika və ekologiya komitəsinin sədri, Şabran və Siyəzən rayonlarının deputatı Sadiq Qurbanov Azərbaycan vətəndaşlarına müraciət edib. Komitə sədrinin “feysbuk” üzərindən paylaşdığı müraciətdə deyilir:

“Əziz dostlar, dəyərli vətəndaşlar!

Müraciətimə Azərbaycanın Birinci vitse-prezidenti Mehriban xanım Əliyevanın "Bu gün biz hamımız çətin günlər yaşayırıq. Yeni, bugünədək elmə məlum olmayan təhlükəli xəstəlik - koronavirus epidemiyası gündəlik həyatımızı alt-üst edib. Müasir dünya hələ belə böhranla qarşılaşmamış və bu miqyasda karantin tədbirləri tətbiq etmək zərurəti ilə üzləşməmişdir" fikirləri ilə başlamaq istəyirəm.

Doğrudan da bütün dünyada bəlaya çevrilmiş koronovirusla (COVİD-19) mubarizə həyatımızın bugünkü mahiyyətini kəsb edir. Respublikamızın hər yerində, o cümlədən də Şabran və Siyəzən rayonlarında aktiv mübarizə tədbirləri aparılır.

Cənab Prezidentimiz İlham Əliyevin "Biz birlikdə güclüyük" şüarına qoşulan cəsur həkim və polislərimizlə yanaşı rayon icra hakimiyyətlərinin işçiləri, YAP rayon təşkilatlarının fəalları, eyni zamanda ictimai fəallardan ibarət yaradılmış 146 təbliğat qrupu da fəaliyyət göstərir.

Mən də sizdən xahiş edirəm ki, hər an bu məsələdə diqqətli olasınız. Nazirlər Kabinetinin yanında yaradılmış Operativ Qərargahın hər bir göstərişinə əməl edəsiniz. Bununla siz həm özünüzü, həm də yaxınlarınızı – ata-ananızı, bacı-qardaşlarınızı, övladlarınızı qoruya bilərsiniz. Sadəcə çox məsuliyyətli olmalıyıq. İnandırım ki, görülən tədbirlərə və göstərişlərə əməl etsək, çox müsbət nəticə ala bilərik. Məsələn, gəlin müqayisəli təhlil aparaq. Hazırda dünyada koronavirusa yoluxanların ümumi sayı 701 min 560 nəfər, ölənlərin ümumi sayı isə 33 min 175 nəfərdir, bu günə İtaliyada koronavirusa yoluxanların sayı 97 min 689 nəfər, ölənlərin ümumi sayı isə 10 min 779 nəfərdir. İspaniya və Almaniyada yoluxanların sayı sürətlə artmaqda davam edir. Belə ki, son saatlarda İspaniyada bu virusa 5 min 564 nəfər yoluxub, 624 nəfər ölüb. Eləcə də Almaniyada son saatlarda 2 min 586 nəfər yoluxub, 48 nəfər ölüb. 

Ciddi rejimə əməl edən Çində isə gün ərzində cəmi 45 nəfər yoluxub, 5 nəfər ölüb.

Deməli, problemə ciddi yanaşmaq və dövlət tərəfindən görülən tədbirlərə qoşulmaq öz müsbət nəticəsini verir.

Dostlar, yuxarıda yazılanlardan nəticə çıxardaraq, problemin aradan qaldırılması üçün və sağlam gələcəyimiz naminə gəlin birlik göstərək!

Biz birlikdə güclüyük!”

635x100

Şərhlər

Hər hansısa bir şərh yazılmayıb.

Son yazılar