Xarici İşlər naziri Elmar Məmmədyarov mayın 18-də ATƏT-in Minsk qrupunun həmsədrləri - İqor Popov (Rusiya), Stefan Viskonti (Fransa) və Endryu Şafer (ABŞ) və ATƏT-in fəaliyyətdə olan sədrinin şəxsi nümayəndəsi Anjey Kaspşik ilə videokonfrans formatında görüş keçirib.
Bu barədə XİN-dən məlumat verilib.
Görüşdə həmçinin Fransa və ABŞ həmsədrlərinin köməkçiləri iştirak ediblər.
Görüşdə tərəflər Ermənistan-Azərbaycan Dağlıq Qarabağ münaqişəsinin tənzimlənməsi prosesinin cari vəziyyətini, eləcə də qarşıdan gələn aylarda, qlobal pandemiya sonrası atılacaq addımları müzakirə ediblər. Tərəflər pandemiya zəiflədikdən sonra Azərbaycan və Ermənistan Xarici İşlər nazirlərinin Minsk qrupu həmsədrlərinin vasitəçiliyi ilə növbəti görüşünün keçirilməsi vaxtının və yerinin müəyyən edilməsi üzrə razılaşıblar.
Şərhlər
Yenə boş sözlər.Görəsən niyə anlamırlar ki,Məmmədyarov danışıqlarda özünü dərsini bilməyən uşaq kimi parır.İllərdir danışır.amma ortada bir şey yodur.Niyə buna dözürlər?AXı illər keçir.torpaqar Ermənilər tərəfindən özəlləşir,yollar,binalat,infrastruktur.Amma Məmmədyarov yerində sayır.Vaxtı itirmirik?