Ərdoğan Merkellə yenidən Aralıq dənizini müzakirə etdi

Türkiyə Prezidenti Rəcəb Tayyib Ərdoğanla Almaniya Kansleri Angela Merkelin veideokonfrans formatında görüşü olub.

Virtualaz.org yerli KİV-ə istinadən bildirir ki, bu barədə Türkiyə Prezidenti Adminstrasiyasının İctimaiyyətlə Əlaqələr Şöbəsi məlumat yayıb.

Telekonfransda hər iki lider Şərqi Aralıq dənizi əsas olmaqla, bölgədəki vəziyyəti müzakirə ediblər.

Daha sonra bildirilib ki, Şərqi Aralıq dənizi mövzusunda konstruktiv və ədalətli yanaşma olduğu müddətdə fikir ayrılıqlarının danışıqlar yolu ilə həll ediləcəyi mümkündür.

Ərdoğan deyib ki, Şərqi Aralıq dənizi məsələsində Türkiyə ədaləti və prinsipial olaraq qərarlı və aktiv siyasət yürüdəcək.

Qeyd edək ki, videokonfransda Türkiyənin Xarici İşlər naziri Mövlud Çavuşoğlu, Müdafiə naziri Hulusi Akar, Milli Təhlükəsizlik Təşkilatının sədri Hakan Fidan, PA-nın Kommunikasiya İdarəsinin sədri Fəxrəddin Altun, Prezidentin Mətbuat Katibi İbrahim Qalın, Prezidentin icraçı katibi Hasan Doğan da iştirak ediblər.

Xatırladaq ki, Angela Merkel bu yaxınlarda Avropa Birliyinin Şərqi Aralıq dənizi böhranında Yunanıstanı dəstəkləməyə məcbur olduğunu söyləmişdi.

635x100

Şərhlər

Hər hansısa bir şərh yazılmayıb.

Son yazılar